13th Dec 2024 | Kanam Vaiphei
Zillai Chawngkhawzo Block (ZCB) in tuni December 13, 2024 nin class X leh XII exam ah lawting te kipakpi na Felicitation sun nung 12:30 apat in Kawlhen vangkhua ah anei ui.
Zia hun ahin puitu in Hatzo (Finance Secy.) leh Pauthiango (Joint Secy.) apang ui. Ahung kikhom mipi ten Zillai lapi sak na aneizo un Upa. Siakkap (Kolhen) in hun pat pauchamna anei hi. Vaidawn thugenna Lamneimang Suantak, President ZCB in anei a, Zin te chung ah kipak thilpiak piak dawna James Mangsonthang, Vice President ZCB mapui nan aum hi. Education Secretary apat in Class X leh XII exam a lawting te kipakpina thilpiak leh Award piak daw na aum hi. Class X leh Class XII ah lawting te Pathen kiang ah malzawl dawt piak na Rev. Khaisonthang, i/c Kawlhen Pastorate in anei hi.Zia zaw in Kolhen YVA/VPC unit, Zingun T. Liansong, zinza um S. Tinlal, Ex Secy. Zillai Ghq, kinneipa Lianzalal, President Zillai Ghq leh zinhuoi T. Manga Vaiphei, Kawlhen hausapu apat in houlim ngaithak na aum hi. ZCB Felicitation ahin, Class X leh XII ah lawtingna nei mi 20 te kiangah kipakman piak daw in aum a, Class X ah pass percentage sangpen leh Class XII Sc. leh Arts ah percentage sang pen te kiang in kipak man Memento piak daw in aum a, adang ten kipakman in Citation asang ui. Zillai Chawgkhawzo Felicitation ahin special guest in Zillai Churahandpur District, VPC/YVA Kolhen Block, VPC/YVA Chawnkhawzo Block, VPC/YVA Tuilidung Block, VPC/YVA Thanlon Block/Tuipiduang leh Headmaster Unity Foundation School te apang in, Special invitees in Zillai Lamka Block, Zillai Singngat Block leh Zillai Kangvai Block te apang ui. Chawngkhawzo block sung ah khaw chuam chuam apat hausa te le Zillai Felicitation ahin apang ui.
Chuleh, Zillai Chawngkhawzo in Felicitation amat tawh kitawn in, December 12, 2024 chun match ala um ah, Winner in kipakman trophy leh cash prize te piak in ala um ui.
