2nd Dec 2024 | Kanam Vaiphei
DEMNA LEH HILCHIANNA THU
YVA Haupi Block President Pu. S. Lalchawilian demna leh ngawna thu Social Media platform zat chuam chuam ah kitawkvel lumlet hi YVA Haupi Block in khawk a kisa ma ma ziang ah, kua hitaleh, mipi nautang thuchian helote lung sukawi thei ding thil haw hi ama mimal bep a sukha pua, Pawlpi min suksiatna chikhat a hi ziak in bawl talo ding in ka hung dawn hi.
YVA Haupi Block hi President thu bep ah tawi a hi pua, dictator ah chiapi le a hi puai.
K. Sinaiphai YVA hi Block puitu masa leh GHQ puitu masate’n 2019 kum ah a la hawn daw uh a hi ta, tu laitak ah YVA GHQ puitute thupiak dungzui ah Unit fund kidawl ah Unit kitêlna le kipuihuai a hi.
T.D. Block ah Relief material chungchang ah ngawna hi pawlawng ngaidan mai ah la bawl uh hi a khawk ma ma ziang hi. T.D. Block ah Anchang hi, inmates umzat te tawh kituak ding bep YVA GHQ ah kipat kidawng a hia, a châng leh Inmates te kidailo hun le a um sek ziak ah GHQ kiang ah kidawt be ziang sek nalai a hi. Relief Anchang hi a enkawltu chuam a kikawi ah, (Inmates te panna in) amau in a etkawl uh a hia, President bep thu a hi puai.
Ziagual ah numei – chapang thuchian helote lungthim sukawi thei di leh mipi lungthim suksiat theina thil hi hung bawl kit talo ding in ka hung dawn hi. Chuleh, Block min susia thei di thusia leh gen leh sak la hung nei kit uh a hi chun, YVA Haupi Block in ki pawmthiam mai mailo di a hi.
Vaiphei Veng chungchang hi, D. Leikot ah cheng ei Vaiphei mi inn 30 vâlte hi a khua hausa in khaw min mat a phallo ziak in amau dawidan gual ah hun chawmkhat â ding ah Vaiphei Veng kiti phawt a hi. Pangkhawm hitiu in a siatnate siamphat khawm gaw zaw hitiu.
YVA damsawt hen.
(LANGLALTHAMUAN)
Secretary
