28th June 2024 | Kanam Vaiphei
VAIPHEI OFFICERS’ FORUM ELECTION NEI IN UM
Vaiphei Officers’ Forum chun, Election nei in Pu Pauchungnung Vaiphei, Associate Professor chu Chairman ding in a la tel ting ui.
HS KAIMINLUN, Secretary Vaiphei Officers’ Forum Election Commission apat thusua kimu dungzui in achiata 27th June, 2024 nitak lam a chun zoom meeting nei in election ala nei ui. Zia hun a chun VOF member tam khawp pang in, kilunggual tak in kum 2024 – 2026 term ah mawp paw tu ding tel na ala nei u,. Zia ah teltin thak te chu a hiu leh….
Chairman ding in Pu Pauchungnung Vaiphei, Associate Professor, chun
Vice- Chairman ding in Pu Soiminlian Lengen, MCS, Chuleh,
General Secretary ding in Dr Lallianthang, Associate Professor
Chun, term thak a tel daw thak a um te’n region/state wise ah members mi paguk chu July tha sung ngei ah a guan tup ding uh ti a hi. Chuleh tel tin thak ah umte zosia outgoing Chairman Pu Lamsei Baite in election result leh hand-over tawh kisaite ala kithu hiatpi ding ah Election Commission chu angansia hi.
Meeting leh Election nei zaw in, VOF Election Commissioner Chairman Dr Lallianthang in pauchap na nei ding ah Pu Piangkhanmuan chial in, pauchap na nei zaw in meeting akhak ui.
