PATHIAN CHU VAK AHIN, AMA GINGTUTE CHUN VAK HINKHUA AMAT DING UH AHI
EPHESA 5:8
* Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in*
VAK chu a thiangtho, kidak panglo, buak panglo leh abukim demna bei tina ahi. Vak tawh thimna, sualna, gitlona leh khawvel dawitelna a umkhawm thei puai.. Zia vak chu electric ahiloleh inverter vak ahi puai. Zia vak Chu lei leh van leh asung a um zosia, nang le kei ei siamtu, thil bangkim chung a thunei PATHIAN chu ahi
Thim thil zia khawvel thil hiim him ah Pathian dawigual thiangthona(Holiness) ngaisaklo, nek leh dawn a, chep le muam ate ginglote nek leh dawn tawh kidang lamna neilo, bang gual in hinkhua mang leng le Pathian in ei hepi zing hi ti a, kikhopna, devotion ate leh biakin thil hiim him a kisak theipi kham in kapang sek nai ti in, zuau gen khawksalo, pawlche le thanghuai tak a hinkhua mang i hi chun, i Pathian chu vak hilo ding hetsa ahi mai ahi. Ei tawk a dik kisa, pha huntawk kisa a, sual sim ding neilo gual a hinkhua mang i hiu chun i Pathian chu Bible a kigen Pathian hilo ding ahi. Ei leh ei ki pathian bawl, nang leh Nang ki ho, nang dawidan kha la Pathian himai thei ahi! Ziagual dinga chun Pathian in Khristiante ei dawilo ahi.
*Tulai khawvel mite chiapi dan vak ngaitua hitiu. Sum ahi phawt chun laklut thei theina phawt a laklut khawk salo, sum ahinak le zuau thiangtho ti le umsak thei kitam mama ahi. Sum ngainat valna ziak ahin mimal siatna bep hiloin Khristian ginna hi sumial leh ki su zâchâk (shaming the Christian faith) sak mama ihiu hi. Ki ngaitua phai tiu. Amin mai mai a buai itam ui. Khristian min a thi ngam, Khristian kiti Jesu het khaklo tam mama ding ihiu hi.
Khristian khat kiti ve sam ngal hinla diklo takah sum munah apat kivâk leh nuam takah hinkhua mang zing ihi nalai uh em? Khristianna leh Christianity hi zia khawvel society khat gualah ki vaipuakna dan a geel i tam tau hi. Sakhuana tawh Khristianna le zilchian thak zel leuhin phading ahi. Khristianna hi PATHIAN apat ahi. PATHIAN thil ahi. Ei leisiat mite ngaidan leh kivaipuak dan ahi puai ti hetzing ding ahi. Biakna lamah lawi upaten le Khristianna leh Bible zilsakna dik hangsan takah gen ding ahi. Adiklo chu diklo ahi ti ngam ding ahi. Khristianna hi pawl leh ki huichuamna matlo ding ahi.(Groupism/denominationalism)
Pathian in ahuat te i hua nau em? Bible in agente khu ei mani phasak danah siam danglam leh heikawi lumlet thei ki hilo ahi.Bible a kigen chu thutawp ahi mai hi(complete, binding and final Authority).
Bible hi lekhabu khat gual mai mai a géllo ding ahi. Pathian apat hinna bu ahi. Bible in anawp nawp genta venti aw ti a Pathian Thu ngaidau khak ding uh lau um mama ahi Khristiante ading, nang leh kei a ding a bangkim ah zilsakna pha leh bukim chu BIBLE zilsakna akipat bep a um ahi.
Mihiamte ngaidan ahem, mihiante phasak leh phasaklo Pathian in ei dawnglo ahi! Mihiante ngaidan(opinion) a buai thei PATHIAN ahi puai!
VAK LEH THIM IN KIZAWPNA ANEI PUAI
Thimmi hingal ah vak mi gual a khawsa chu ama le ama kithem ahi. Pathian huat mama chikhat ahi. Pathian vang mite thep thei ding gual mai mai ahi puai “Mihiam kuama bukim ki umlo” tihi setan dawigual kilepna kammal ahi.Bukimlo ihiu chu Pathian in ahe mama hi. Taksa thanawpna sual (desire of the flesh) mani mimla a
um sual hi i do tak tak nau em tihi ahi kidawtna poimaw tak khat chu ahi. Gingtute chu kidona mun a kikhuasa zing ahi. Taksa thilte leh Pathian Thagau thilte chu kido zing ahi.(flesh is in constant conflict with the Spirit)
Nang a gitlona um lam le hephalo ah Pathian Pathian, Thagau Thagau, amen amen, Hallelujah Hallelujah ti a mawk eu eu, mawk peng peng lahi khatawl em? I hi khau em Khristian kiti te?Pathian Thagau Thiangtho chenchil hinkhua umzia het bailam napen chu PATHIAN THU,Bible ah aki diano leh tuitum na hi ahi.(Bible saturated) Christian dik tak chun bangkim in Pathian Thu(Scripture), Bible zilsakna hi poimaw masapen in a kawi zing ding ahi. Bible ngaisaklo a,mani mimal lunggel leh ngaidan a khuasa Christian’ chiakhial Christian lem kitam ta ahi!( Experience,mystical and emotionalism)
Bible ngaisaklona hung uang deu deu intin mitin mani dawidan chiat ah um nawpna le hung uang deu deu ding ahi. Ki khual thak kit hitiu. Nu leh pa hil theilo (thuhilna ngaisaklo)chanu chapa ihiu em? Pawsal za leh Pawsal te kiang a kingainiam takah kitulut minu i hi nau em? A kilomna ding mai mai a bawl i hiu em le? Insung Nu hingal Pa gual a khuasa, tangval thengthawg gual a khuasa ihi khato uh em?
Ziagual machun Pathian dawigual a Bible zilsakna dik a zi leh chate hepi a, enkawl Pa ihi nau em?
Numei(female)a Pathian in a siam hingal Pawsa(male) higua chuleh Pasawl a Pathian in a siam hingal, Numei higua tihaw hi Pathian huat mama ahi! Pathian dona, Pathian simmohna chikhat ahi ti hetmillo ding ahi.
Mawpuakna i nei teu ngawikhok thak kit hitiu.
Pathian kipakna chu gitlo kisik ngamna hi ahi. THIM a um zing, gitlona bawl zing ihi kihedawk in. KISIK in PATHIAN lam bel hitiu. Ei leh ei kithem in thamuanna kimawk piak puai tiu. Pathian in vang ei hechian talua ahi, a Thu gual takah thudikin vaihawm khumna tuak ding ihiu hi.
☦️Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi. Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi. Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi. Gitlona ka nei puai ti taleu hin, eima leh eima kithêm I hi’n, thutak chu eimau ah a um puai. I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi. Thil ka hi’khial puai I tiu chun, ama chu juauthei in I siam un, a thu le eimau in a um puai
1 JOHAN 1:5-10
Thim thil, setan lunglam hinkhua apat Vak Pathian êng lam pan tading in Lalpa Pathian in simtute hethiamna leh ama dawigual gitlo nutsia ngamna,’ hanggsanna’ ei pia chiat tau hen aw Jesu Min in AMEN
Bible Simding:
2 Corinth 6:14
Rom 12:12
1 Peter 1:23
Psalm 97:10
Psalm 119:104
1 John 3:9
1 Corinth 6:9-10
1 Corinth 12:27
Ephesians 4:12-13
1 Corinth 3:16-20
Mark 7:6-9
2 Timo 2:15, 2 Timo 4:2
Ephesa 5:22-23
Ephesa 6:1-3
Eccl/Thugentu 3:17
Isaiah 33:22
James 4:12
Mathew 12:26-37
Rom 14:12
Mathew 3:8
Proverb 28:3
1John 1:9
2Peter 3:9
@GL Muana
