*PA DIKTAK I POIMAW UI*
*Pathian pakhat, mi zosia Pa, ama chu bangkim chung ah um ahi’n, bangkim jal in a um ah, bangkim ah le a um hi*
EPHESA 4:6
*Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi*
1 PETER 5:8
*Thim thilhi ga neilote ah chun panna nei kiu inla, zia sâng ah chun a dik lona hiatsak zaw tau in*
EPHESA 5:11
Tuni PATHIANNI hi pawl khenkhat te chun Pate Ni@FATHER’S DAY tin i mang sek un ahi. Pate kiang a kipak thu genna, thilpiak latni, Pate’n ei hepina ngaitua thak kitni in i mang vantang sek un ahi. Kipak, thanuam leh lim tak a lawm in, ann nekkhawmna mang in, zia beplo chun u le naute Zi neita te haw Pate ni chibai@Father’s wish tite sms ate, phone ate i bawl sau sau sek un ahi.
*Children’s day, Teachers day, Mother’s day, Father’s day leh ni bîk chuam chuam tampi tak hi KIPAK ni ding bep a geel ah ngaitua kha ihi chun diklo ding ahi*
Khawvel pumpi et in Pa neilo, pa mel mukhalo, Pa kiti umzia le hekhalo ah khanglian naupang tampitak a um hi. *Cha neithei ahi nai tia cha nei a, cha etkawlna lam a mawpuakna hephalo leh mawpuakna la utlo Nu leh Pa tampitak chate enkawllo a um kit un hi.Khawvel lam a lekha thiam te chun nupan kikhenna@divorce ziak chu mawpuakna hetphaklo ziak ahi atiu in ahi.*Hinla Nupan kikhen ziak chu Pathian panglo kingaina, kipawlna leh kichenna ziak hi ahi* ti hi keima ngaidan chu ahi. Nang banggual in lageel diam maw?
Nungak leh tangval hunlai leh nupan leh inkuan hinkhua haw hin Setan in pan nasatakin ala zing in,nasatakin a suksiat gua zing ahi ti hetzing ding ahi. Pathian dawigual a insung@ family um ding, Bible ei zilsakna gual a nungak leh tangval hun mat ding tite hi setan in a dawilo mama in,suksiat gua in pan ala zing ahi. Inkuan, nupan, pa hem Nu ahem ahiloleh insung kituaklo mama ti a lahet te khu, setan in vaihawm tina ahi. Mawk musit in simmaw ziang kin, Pauchapna in hezing in dem pai ziang lo in aw..
Khristian te ading a chun Pa dik tak chu khat a um hi, zia chu Pa Pathian@God our Father! *Zi nei in, Pa kiti khat hinla bang gual thiamna, chitna leh pilna nei lechun le Bible a Pathian@GOD hi nang ah a umlo chun: Pathian la neilo chun Pa lawting, pa mawpuakna zo hi ngai ngai puanla ti hemil kin unau*
Pate Ni ahiloleh ni Bîk dangte haw hi ginglote gual a kipakni, lawpni, enjoyment ni, taksa kipakna suk buting hun a mang ihiu chun mangkhial hiding ihiu hi.
Pa mel mu khalo a hung khanglian, Pa nei talo te, Henu Hepa ti a ko ding neilote, Pa damtheilo ziak a lupna ngak zing te, pa midang gual a ching le pillo te haw tampitak um zing ahi ti geel dawk zing hitiu.
Pate Ni mang zing kawm in Pa neilo te, Pa nei ngal damtheilona ziak a Pa mawpuakna feltak ah la theilo te haw tamtak um zing ahi ti hezing in, i hepinau leh Pauchapna ngaicha zing ahiu hi.
Tuni hin Ken le :
Pa PHA chu ala nei kha leng aw….
Pa Lekha thiam ala nei khaleng aw..
Pa mithudik ala nei khaleng aw..
Pa zu leh sa khamthei bawllo ala nei khaleng aw….
Pa zuau thei, lepchia genhatlo ala nei khaleng aw…leh adang dang tampi gending um in ah.
*Hinla a poimaw pen a igen ut chu ahileh Zia khawvel ahin Pa nei in Pa neilo lechun le…Pa fel mama ahiloleh Pa ngawl mama nei le chunle..Pa zosia Pa Bible ah Pa Pathian hi la neilo chun PA diktak neilo lahi*
Pa kiti tampitak a um kit in ahi. Pa tak leh Palem in khen thei mai in a. Bible zilsakna gual a um leh hinkhua mang Pa te chu Pa diktak ahi.
Setan dawigual a khuasa, Bible thudik zilsakna limsaklo pate chu Palem ahi mai un ahi.
Palem neikha lahem unau? Nang mi Pa Palem lahi em?
*I gam leh i Khristian hinkhuau ahin Palem atam mama hi. Pa Diktak zilsakna, Bible dawigual a ziktilna dik hekhalo leh dawng khatalo belam@mipite liangvai gamta atam mama un ahi. Mi Pa ki ngaitua phan, Pathian Bible a Pathian neilo a, Pathian nangma a umlo ahichun, la khawsa ul pawtna kha athawn mai chang ding ahi*
*Insung leh kochuam ah Pa Diktak, Bible dawigual a Pa pha i nei kit theina ding un i pau, Van PATHIAN kiang in dawn thak kit hitiu e🛐🛐*
*Lalpa ‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a. Thu la mat ua la nop phot uh leh, gam phatna hi hun ne’n la tin uh, ahi’n, thu mang lo ah la huhel uh chun, chemjam in hun vai tan in a; Lalpa kam in a la gen ta’ngâl a,” ti in*
ISAI 1:18-20
…GL Muana Neitham
*☦️KHRISTA LALPE’N SEPAITE☦️*
