KIPAKPINA | KANAM VAIPHEI
Nk. Patricia Thangluai d/o Upa Th. Khamneithang Vaiphei, Hilltown, in Department of English, University of Delhi nuai ah PhD programme ah academic year 2024-25 a ding admission mu ahi thu hiat ahi.
DU Departmental Research Committee saina nuai ah January 16, 2025 ah interview nei ahi zaw in January 28, 2025 in admission muthei dingte merit list suadaw in a um a, kipak um tak in thingtangmi teldaw mi 5 te lak in Nk. Patricia le a pang hi.
Nk. Patricia in high school a zaw in Rayburn College ah XII (Science) sim in, BA English (Hons) Dyal Singh College, Delhi ah zo in, MA (English) Royal Global University, Guwahati, apat in a zo hi.
Nk. Patricia in UGC NET 2024 in Junior Research Fellowship (JRF) a mu, ziagual PhD programme ziltheina mute chun monthly stipend leh monthly house rent allowance te piak ahi sek ui.
