MIHING TE HIN MALZAWL NA I DAWT DIU EI TA PUAN ACHANCHIN PHA I GEN ZAWK DIU A HI TAI:
-KL Muana Vaiphei
Pathian in mihiam te a siam til apat in malzawlna bukim tawh ei piak ngal a hi. Amalzawl na ei piak zosai te hi kukal leh thanuam tak in en kawl in mangcha leu hin mihing te matsen lo go chitin piak sa ihiu ” ka malzawm na hi nang din a hun tawk hi ei ti ahi”.
I sep leh bawl dinga ei ngansia te hi bukim tak in sem in zûn leu leu hing khawvel a mi leh a sunga thil hing josia a ding in aki ting ma ma ma hi amabo,thada leh muang zolo a I um phat uh le taksap na’n ei chum a,thasiat na ding leh muisiat nading hawl in siam tu chung in phun leh chiak na ding ihawl sek ui, ” hawl un munlau,sem un ngawl puan la,bangkim I chan dinga guat leh se vek a hi”. Lungkham lo in sem ah, ama kumtuang lemguat chu sem in bawl leuhing bang tik lai a le tasam ngai lou Pathian a hi.
Gingtu ihi na isep di leh I bawl di chu ama na sep di bep ti ahi zinglai a,ama lunglam sem leu hin a thagau thiangtho chun pilna leh hansan na lungmuang tak in ‘lot’ gual a nung et kitlo lo a gam phazaw leh nuam zaw chu tung ngei di ihiu.
Khristian khualzin ihi zing lai a hin,ijin na lampi ling leh khau,mual leh tang leh Guan leh THALEK a ijin lai in le ama muang zing in, I mawpuak nau sem zing leu hing eisuk nawkphak thei um sun ama a ding gin un tak myrtar a gamtiam gam chu lut ngei di ithiu.
Malai Israel te ngei kha le gam tiam gam a zawt lai ua Khan haksat na gen gual lou a tuak ui mah a gin um te kha Canaan nawpna a zûn ui, ahin lau leh gin-lou pum pum a chia te kha lamkal in a mang thai tau,tuni tiang in anung amau suiding aum ta lou ahi.
Zia gual ma chun ei thuthung thak chate le I lalpau Jesun itup gam diu leh gamtiam gam chu itun thei na ding nisin hunsin a athagau thiangtho tawh kal suan khawm zing leu hing, mithiangtho lak ah khawp ni phet le ngunkhawm tualnuam a chun chia masa te,van mithiangte leh belamno tawh nuntawp um lou in lengkhawm ngei hitiu Lalpa ei pui zel in la tiam gam ka tun tiang un Amen!
