LAWIUPA/PUITU/VAIPAWTU/VAIHAWM NA CHUTPHA ( Leader/ Leadership) :-
By: KL. Muana Khaute
Vaihawmtu khat i hung hi’theina ding ahin eima mimal tup khat nei ah lunglutna nei masak a ngai ah, chuleh, mipite puitu, leader ding ah muan a ki’umna diam ti hi a masapen in suangtuana a kinei masa sek hi.
Khenkhat chu tit ma ma a hi’zing lai ah khenkhat titna le nei mang lo ah lawi upa hi’ding him him nuam ziang le a um tho hi. Chuleh, lawi upa- vaihawmtu pan ah kilemna leh masawnna umna dingah kipumpiak aum zing lai in, khenkhat chu mimal phatchuamna ding bep ngaitua ah puitu hi nuam le a um thei hi. Ziaziakchun, teltute hin ngaitua chim tak, makhua di en zing LAWIUPA teldawk in, i nam lungtup guitunna ding ah lampi tuangtak siam piak ihiu.
Tichun, lawiupa, puitu chu ihung tel ting tau a, Dawkan a hung chut phat tak leh a mizia ahung kilang sek in, tup kichian leh mulawkna nei a hi’ziak chun, a seppi di te a thau a tho a, kilawptak in zia napha lapha chu sem nuam in a kilawng sau sau sek ui.
Lawi upa dinmun lua hi thil haksa ta lua a hipua, ahinla, thilpha i sep guatna lam ah ei dal gua i lawi leh pâi te thunun zaw leh kitaksan zaw hi thil haksa tak ahi. Kitaksanna leh kimuan ngamna lo chun sep leh bawl lawting ma ma aum thei puai ti hi hiat zing a pawimaw mama hi.
Puitu leh vaihawmtu i hina ah i seppi chung ah kingainatna leh kihepina aum in, hotu i hi chun ngaidam thei hinkhua leh thunuai gawl tak pum ah ngaidam dawn thei te hi a tangpi’n vaihawmtu za um leh lawting ahiu. Amau ziak ahin I gam uh leh i nam un malam ah kal a suan thei nau thuguk chu ahi.
Kuale hotu lawting hi nuam ah, gam leh nam ngaina siamphat a nawp tak tak chun, a seppi te tawh a kilunggual di’u ahi. Seppite hepi lo chun gam leh nam ka lungsiat hi a ti chuh zuau thu bep ahi. Khaile, suapite, kuama a piting I um puau. I khawtang leh I gam I khantona ding thuguk chu, thunuaigawl tak ah seppi te leh i mipite kiang ah ngaidam dawt hi, neuna ah ngai puai tiu in, I chapo na’u leh lululna’u hi I gam a dingah puksiatna ahi. Pathian a kitiam jen in ngaidam kidawntua mai tai tiu. Zia bep hi ahi tai I suachatna diu lampi umsun chu…. 🙏
——————————
Jerusalem Clinic & Diagnostic Centre,
No.1 Digital X Ray in Churachandpur.
