15th Feb 2025 | Kanam Vaiphei
Ka chapa E Lianthianlal Dt 5/02/25 nitak dak 9 tuam ah teddim road ah gari neu(Jupiter)innlam zuan ah ahung taitou lai ah, bolero kang khat, asung ah chuang kua ahi hiat lou ten GB Rayburn H/S Teddim road in aphu nat phei ua. Aphu ka ten ek nutsia anutsia nung ua, Lampi lai ah kho helou leh thisan naisan luang pum ah, dotlou dailou ah aum nunga kin gang taka a gari Dist hospital ei tut piak Pu Khailianboi leh a veng mite, Athi anai te ei thek nam piaka, acha gual ah hepi taka ei etkol piak Doctors te leh Nurse te,ahun tak thisan unit 2 ei ngaitua piak KKL Ghq. , Buaipi ding leh sai ding zosia thanuam tak a ei buaipi, asak athang ah ei tai vel piak YVA Ghq. , asun azan ti um lou ah ei umpi zing u leh nau pi leh pu, tu leh cha, khua leh vengte, Inn lam leh gam lam ah pan thei na zosia kei uh ading a ei dinpi tute, thanmual ah kilom tak ah vuiliam thei di tinga ma ei la piak ngathal KSP Kouchuam te chungin lungil takin kipak thu ka gen hi.
Liangvai leh beidong te sawmdol zel thei din LALPAN ale tam takin hun malsawm ta hen.
Keima-
Tinzalun leh innkuante, Ngathal.
