KAP DING AH KONA | A lettu: Dimsonjem Vaiphei

KAP DING AH KONA😭

A lettu:
Dimsonjem Vaiphei
“LALGIN INN”
Mualngat Innpi
Khualzinna Gam
(LALPA A AHI)
PO/PS: Moirang-795133.
😭💘🌷🌻🌹🌸💐😭

Kap un😭Kap un😭Kap un

Van ah um Pathian kiang ah chun kapdawk un….Pathian in nam tinte Covid-19 natna(Hiipi)pat, a hidamna dingin kap dawk un..Pathian in i gitlona a ngaidam ah i chung ua a zangaina a latsakna ding in kap dawk ta un…
Khawvel thuthang hawh hetna ding ah news, social media et a buai leh lungkham sang in, kap pum in Pathian ko zawu in…..Midangte la ngaw sang in, kap pum in Pathian ko zawn……Mipi lak apat kikawi kang leh maituam,khut sawp thiang zing kawm in,kap pum in Pathian chuh ko un…..
Pathian ma khupdin kawm in kap un..
Lam lian dung leh vai in chiau inla kap un…
Nam chitin te min lam in leh khut zak pum in kap un…
Khawpi lian leh khawneu cha chate chuh velkual un, kiltin,lamkatin,khawlaitin,lek-ha zilna mun,dukan tin,organisation tin,mipi kipunkhawmna leh office tin ah ten kap ta un.
Pathian khut hat tak nuai ah kikawl sak in, zia khawvel ah hiipi leng(pandemic) suk bei na ding ah sun leh zan khenlo ah theitawp suatute: Damdawi innte, Doctorte,Nursete,damtheina lam ah semtute, sawlkar na semtute ading in Pathian kiangin kap dawk un….

I Bible in ei gen gual in :
“Israel chate chuh a saltan nau ah chun a thum un, a kap tau a. A saltannau ah a kaa thawmteu chuh Pathian kiang a tung ta’n”. Pawtdawna(Exodus)2:23.
“Samuel in Lalpa kiang in Israelte a ding in a dawt piak ta’n; chuleh, Lalpa’n a lawtin sak tai”. 1 Samuel 7:9.
“Zia tak achun David in Lalpa hona dingin maicham a siam ah, halmang thilpiak leh kichamna thilpiak a lan tai. Tichun, Lalpa’n gamsung a ding ah a dawtna chuh a dawnhu a, Israelte lak ah natpi chuh a ladawk tai”. 2 Samuel 24:25.
“Aw, Zion chanu, la lunggil tak in Lalpa ko inla! A sun a zan in hawktui gual in, la mitthitui uh luangta hen ! Chawlnga kiu inla, lamit le chawldam tik um ki’hen ! Zan khang lai leh zanven lim a kipat in thodawk unla, kap tau in ! Lalpa ang ah la lungthim uh, tui gual in luandaw sak un! Kawtzing kiltin ah gilkial ah basam la chateu hinna dingin la khut uh a chung un zak in”. Kaalaa(Lamentations)2:18 &19.
“Linling huaisia tak te hungling intin, munchuam chuam ah kial te tung intin, hiipi hungleng intin, van ah kipat thil lau umte leh tep te na nasa tak te hung um in a”. Luka 21:11.

I Lalpa Jesu Khrista a ni vei hung na ding ah thilmak tamtak(signs) lamu tawh kitawn in,kisa felsa la um theina ding un, Pathian zangaina leh Thagau Thiangtho chuh kap pum in dawn un…
Pathian in Covid-19 hiipi hih a phal ahi chun, hidam theina, thilmak bawltheina neitu Pastor leh Minister ten le bangma hithei a nei puau hi. Zia chuh tawh kituak in, Pathian nasem tute la ngawsang in, Pathian chuh kap pum in ko in, a thu’n ei gen gual in…..

“Van ka hun khakbit ah gawtui a hung umlo hun ahem, a gam nezo ding ah khaubepite thu ka hun piak a hem, ka mite lak ah hiipi ka hun lensak phat leh, ka min pu ka mite a hung kingaitawm ua, a hung pauchap ua, ka mel ahun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlona teu ngaidam in, a gam uh hidam kik ding ka hi”. 2 Khangthu( Chronicles 7:13 & 14.
✝️

” LA PATHIAN TUAK DING IN KISAZO TA’N”. Amos 4:12.na hih hezing kawm leh kisazo zing pum in, simtute zosia; Pathian hepina, I Lalpa Jesu Khrista lungsiatna, leh Thagau Thiangtho kithua pina chuleh venbitna, la leng ua chung in tu leh kumtuang tiang in um zing ta hen.
✝️🌸🌻🌷💘🌹💐🌺✝️