GULPI LÊNG CHANG ZO LO:
– K L Muana Khaute
Manipur State ah palai ding ah, itêl teu a nek diu a khawl khawm na diu DÎL uh, a tin lo ziak un changkuang chu Ai/Ai-sa in, a tuitin uh a hung tin zawm tak lo ziak un, DÎL pang chu a awl awl in a hung vit ah, atawp in khikek in, tui zang hattak chu dal zolo in a hun chim ta, mipi tampin hinna lultak I chan ua, i lamsau In leh i lou teu leh I Biakbuk teu tamtak vut-vai, a suak ta, DÎL ting tu te le zia tuipi chim chun a tawk vel vel ah, tha-kham vei in amâu tau a, maban sep di heta lo in mipi tawh tuipi chun a chum tan! lawng/Kuang a zapna bei gual in Hui ( wind) mût nalam lam in ah, tawvel in I um tau ah, khat leh khat ki ngawtua in I buai zo tau a hi.
Manipur in UT imu 1948 a pat in Meitei leh Naga te hin CM a hung tu to zing ua, Zo-suan te’n CM a ki hi ngai him him pua, Naga te Meitei te hin CM din mun a lua to ua. Naga nam te’n a gam ua, metei a Chen sak puau ah, chule Naga te CM a hi sung ua, a mau gam sung in, Meitei a Chen sak ngam puau ah, Non-Naga tribal gam a hin Meitei Te à Cheng sak ua, buaina a hung ki pat na bul tithei a hi tai, Meitei in, Tanggam sung a, golul tak te kiphumgu te chu enla in thagum in igam uh leh a sung a go te en la in Tribal hi a hung nuam un, igam hi a hung lua thei na ding uh chu dan leh History diklo tak pansa in i gam i gua lua ding le a gam right neitu te majority hina mangchan pan a hung la zing uh a hi.
Tuchung buai na hi le suanlam tam pi nei in, etsakna’n Poppy cultivation, Reserved forest, foreigner ti tag, mang cha in, i gam uh dandik lou tak mang in, gâl a hung puankhum tau a hi, A dik tak in, Amau hi Myanmar, Bangladesh leh gam chuam chuam a pat, hung khawm a hi zaw uh a hi. Chun, Meitei te hi thingtanggam a lua lam uh le Vaihawm nau khangthu mukhak na a um pua, amau hi foreigner a hi zaw uh a hi.
Gam chuam mi la hiu ti ah, simmaw tak ah, nekchep eiguat nau hi Pathian hung nei namte chu, a chung un Pathian nasep a kilang zing in, a buaisia tau a hi. Kum sangtel chengkhawm te ihi nau le kilainat na pansan in, kipaktak ah, Chen khawm unau i hi taklang zing kawm in, Democratic tak a majority a hi nau hi mang in sakhua leh custom kibanglo chu ki in chuan man huntiu henla, adjustment khat toh political talk ah, thisan naisan umlo ah Manipur kipumkhat khawi khalo ah, kikhen mai leu hin kilungsiat na le unity a pun zawk ka ging cha zaw a hi, khantona le um zo ding in ka ging cha a hi.
Mi hiat lo di gual a 33 AD vel a Cheng ka hi tau a tiu ah, nuizat umtak a hi, chun eihaw hi, foreigner a pat hung khawm ua, Poppy leh Heroin a sum dawng a hiu a tiu ah, a mi dem nau hi a mau leh amau kitawh-lêm a hiu, a dik tak a chu poppy chingsak tu leh sponsor leh Marketing hi amau lam a hiu ti ki heleu, zakcha kisa ding a hiu, thu dik gen hileu chu kilungsiat nale kihiatthiam tua na le, lêmna um ta mai thei a hi.
Chun, Buai til lai in Govt. in Khenchuam umlo in, Phaijang mi te bep panpi ziang ki henla, thudik suidawt henla, Gam pumpi huap in Curfew kawi henla, lemna siam gua hileu, tuni thil dawi umlo tak hi Tung lo ding a hi. Zia bep chu hilo in, Thingtang mite India Independent hun a pat a chanvo uh kum 70 Val piaklo a um hi, Democracy gam a hi dungzui a chanvo uh India dan bupi toh kituak in, ei pia’u henla i chawndan zia ki bang lo ihi dungzui un, kihethiam tua tak in leh lunglian put hi Galvan in mang leu chu a mau le Khawvel mitmu leh Siamtu mitmu in dawisak na leh minphat na chang zaw ding a hiu, bangcheng hile thil zosia hi Siamtu lemguat le lemgel a hi’n maban chu Zo-suante a dinga kipakna lenkawl a nigual in Siamtu dawigual in a ma lung hawl leu hin, masang dinmun zalenna chu hung suak ngei ding a hi.
