DOCTRINE By: GL Muana Neitham

DOCTRINE

Doctrine kiti hi a chom lam ah gen in zilsakna/thuhil ti ahi mai hi. Sap pau in Instruction or teaching ahi. Khenkhat in Doctrine thumal hi hechianlo in Pawl min hem, kochuam min leh gindan a kawksak pai sek ua. zia chu diko ahi. Pawl chuam chuam ahiloleh Jesu Krista kochuam kiti leisiat a ki lawikhawmna pawlte gindan leh pawmdan haw kigen gua ahipuai. Pathian in ei zilsakna Bible a ki mute pawimaw dan vak taklat nuam ihi.

Pathian in A thu Thiangtho,Bible mangcha ei zilsakna @instruction tina ahi
Va mawk ngaitam di ahi puai. Bible ei ziltilna dik tak @Sound Doctrince@ Sound Bible teaching hiatlo ziak in Christian hinkhua taksa leh thagau lam ah kisuklo tamtak um ahi. Gingtu hukdam chate chun Pathian DOCTRINE hi a ngai paw mamau hi.

Bangkim ah a bukim zilsakna chu Bible ah a um in, zia chu Bible Doctrince kiti ahi( Doctrine of God) *2Timothy 3:16

Eksakna
1. Mani mimal nasep leh hawlhat(Works-based) ziak ah ahiloleh eima hapan ziak ah piangthakna/hukdamna nei dan ah i ki geel chun adiklo ahi. Bible ei zilsak na tawh kituaklo Pianthakna/hukdamna nei tina ahi mai hi.

2. Thagau lam galsak dingdan Bible in ei zilsak na zuilo ah Galsat lem( fake)le kitam ma ma ahi. Pathian tempawt tak a mang a, Damlote sukdam, khoidam, mekdam nading a Sum leh pai dawn masa atam mama ahi.Mi hausa leh mahajon te va pauchap piak nuam bik tite.Tulai thiampu lem tamtak a um zing hi. Damlo leh haksate lunggeel subuai@ emotional blackmail in, paisa zia zat hi bei in ah, Paisa kiphal takin pia lechun damna hiselna nei ding lahi ti a mithem lumlet atam hi. Pauchap damthei Paisa hawl te, Sum dawi ziak a mi pauchap piak te haw apat in kiveng leh chitthei ngai mama ahi. Lauthawng um ahiu. Chun ziagual mite Gingcha te chun Bible Doctrince@ Bible ei zilsakna ahetlo leh a muanlo ziak uh ahi.

3. Hukdamna ding a Baptisma chan hi poimawh masa lasak chun Bible zilsakna tawh kikal ahi. Taksa Baptisma chan hin hukdamna nei tina ahi puai. Hukdamna hi Pathian hepina ziak bep a thilthawn piak chu ahi. Kuale gitlo kisik a, Pathian chapa Jesu Krista ging tapo chu hukdam hiding ahi.Hukdam chate chun taksa baptisma achang ding him uh ahi, ahinla Thagaulam Baptisma chan chu a poimaw pen ahi. (Mathew 3:11)

Pianthakna hi Camp nei khel khel ngai tina ahi puai.Chun Thugenpa nai pulpit lam a Altar calls a va ding daw khun piangthakna ei pia a, hukdam ka hitai ti etsakna ei diak puai.

I ginnau…thutak ah hin pilvang ngai ma ma hi
1Timothy 4:16

Bible apat Pathian in ei zilsakna te lak in tamlo vak ngaitua khawm hitiu le;

1. ☦️Pathian hetchianna

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi Sam 90:2

Lalpa chu lal ahi! Lei hi lim ta hen; tuisuagiat ah thialkâl zosia kipak tau hen! Sûmpi leh thim in a tuamvêl hi; dikna leh vaihawmna dik chu, a lalchutpha kingakna ahi
SAM 97:1‭-‬2

Pathian chu Thagau ahi’n, ama ho dingte chun, thagau leh thutak in a ho diu ahi,” a tia
JOHAN 4:24

2. ☦️Hukdamna lampi

Lungsiatna ziak ah ginna ah chun hukhin la hingal un; zia chu nangmau ah kipat pawt hilo in, Pathian thilthawnpiak ahi zawi. Thilhi ziak ahi puai; chutilochun mi kisuang kha’n au.
EPHESA 2:8‭-‬9

La kam ngei in, “Jesu chu Lalpa ahi,” ti la puandaw ah, “Mithi lak ah kipat Pathian in a kaitho hi,” ti la lunggil ah la gin chun hukhin hiding la hi. Min lunggil ah a gin chun dikna a mu hen, kam in a puangdok ah, hukhinna a mu sek ui
ROMTE 10:9‭-‬10

Pathian lungnatna thuak ding hilo in, I Lalpau Jesu Khrista ziak ah hukdamna mu dingin ei guat ahi zaw ngal a
1 THESSALONITE 5:9

3. ☦️Kochuam te ziltilna

Ka gualte haw, bangti’n a hita diam? La kikhop phat ua leh pâkna La a hem, thuhilna a hem, kilâkna thu a hem, pau hetlo hilchetna a hem la nei chiat sek un. Bangkim chu kisiam phatna ding ah mat hi hen
1 KORINTH 14:26

Himaleh, nang in vang thugin dik takte chu gen in. Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in; zia gual ma chun nupite le a umdan ua ja’um dingin, diklo tak ah mi lawttua lo dingin, zudawn chîng lo ding leh thilpha lam zilsaktu hi dingin thu hil inla, amau inle, numei khangdawng nalaite chu a pawsalteu hepi ding leh a chateu hepi dingin, kisumthei ding leh kikoi thiangtho ding leh, Insung enkol tup ding leh, pawsalte nuai ah kitulut ding leh, amau ah Pathian thu chu gensiat ah a um lona ding ah a hil theina ding un. Zia gual ma chun pawsal khanglaite chule kisûmthei dingin thu hil in. Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a; la paukam le dem kâi lo ahi ah, langkhat lam ah pangte chun la chung ah thu phalo him him gen ding mu lo ah a mualphona ding un. Suakte chu a puteu thumang ding leh, amau chu kipaksak zing ding leh nial ngailo dingin; khutthem neilo ah, ginum tak ah nasep pha latsak ding leh, ei Hukhingpa Pathian thugin chu bangkim ah a choisa’n theina ding un hil in
TITA 2:1‭-‬10

4. ☦️Pathian dawigual ah thiangthona

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: “Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”
1 PETER 2:9‭-‬10

Thanhuaina hi haisan un. Gitlona dang hi taksa pawlam thil ahi’n, mi thanghuai chun vang a taksa chung ngei ah gitlo bawl ahi. Aleh, la taksau chu la sung ua um, Pathian kiang ah kipat la muu Thagau Thiangtho chênna In ahi ti leh, nangmau â la hita puau hi ti helo la hiu em?. Man piak ah chawksa la hitau hi; ziaziakchun, la taksau ah chun Pathian chawihoi tau in
1 KORINTH 6:18‭-‬20

Lalpa Pathian in ama thuhing ei zilsak na hethiam thei ding leh Ei zilsakna te zui thei ding in simtute zosia Thagau thiangtho pilna ei pe chiat tau hen Amen….

GL Muana Neitham