*Ahi naklai ziak adiam maw??*
Zia anuai ah thu kizik te hi la mawk sim zual zual le a thu hi he chian lo ding, ah um zia he lo ding, a gen nuam man chian lo ding lahi. La mimal, Insung, nam tawh mek khawm in, vel sim kit inla, a dawnbutna pha lasak sak chu adik ahi mai hi.
He bukim, het be ding nei talo, laklut na ding mun le inei taklo ziak uh ahi ta mai diam maw?
I haksat nau ki gen dawk le min ei simmaw, nuisan khanna ti lau ziaka genthei tak ah im zing ziak adiam?
I hindan uhi chanchinpha tawh akituak lo tampi ah um hi ti hezing ngal ah kuaman ei gen lo ziakah, sim na chang lel lou ziak uh ahi ta mai diam maw?
I titlo nau le I hatlo nau he zing kawm ah hinkhua mang zing nalai, Thaan khuk tianga beliam I guat tei sek ziak uh ahi ta maidiam maw?
Huatna le muda na inei teu hi selgu ah akilawm melpu ah I khawsak zing naklai ziak uh ahi mai diam maw?
A guk ah thil I bawl khial nateu hi selguk na ding bep ngaitua ah khawsa mai ihi zing ziak uh ahi mai diam maw?
Lung thim kihawng thiang lo takah I ki pawl, iki etkawl zing nak lai sek ziak uah ahi zaw mai diam maw?
I damlo (taksa le thagau) nau hezing ngal ah I gen daw nawp lo ziak uh ahi zaw mai diam maw?
Meisel ah gamthim salvak masa pen te ihi lai uah, midang ten ei apat mei ei lak sawn nalam uah ei ah ei suk mit khak piak uh ahi ta mai diam maw?
I meisel chawi lai mi pesawn in, ei iki chawldam sawt talo khau ah I kaal uh sau talawh ta ahi ta mai diam maw?
Pathian mi te lampi zawtna ila khak tan ziak uah, huham takah I la bawl ziak uah Lalpan I meisel teu ei mut mit piak ahi ta mai diam maw?
Mihing le Kochuam te zem hawi tak ah bawl I buaipi takluat ziak uh ahi ta mai diam maw?
Pathian min hi kisel guk na le thiam iki channa ding mai ah imat than huai tak ziak uh ahi ta mai diam maw?
Ahoilai le aphalai te Lalpan ama maicham ah piak ding ati te ila selguk sek ziak uh ahi ta mai diam maw?
Thagum suah ziakin gual zawna le I la chang kha thei sek hi, I husat hat ziakin I umnau miten ei hesek nau, ahinla, zia gual ah tuni tianga I umzing sek ziak uah hi Pathian thagau in ei gam lat zawk ahi ta mai diam maw?
Thupha iki chawi tua sek na teu hi Pathian mitmu ah tinglo, luaksuak um le kidak um ala hikha zaw mai diam maw?
Dawisak le ngainat ah thu iki hil sek teu hi naupang muamthum piak ah I vak kipak sak gual bep ahi zaw mai diam maw?
Puplit le Lalpa maichan mai ah I mitthi tui pawt sek te hi Lalpa mitmu in alem, siam kawm gual ah kilang mai ata diam maw?
Abraham Pathian, Isak Pathian, Jakob Pathian ti ah I sap sek uhi hechian tak taklo, min a bawl nai ti ah ei un le bawl ve mai khat I hi kha diam maw?
Sep ding ahi phawt le kinawk tua, midang dinga kawidawk pai, nek le dawn na ding zosia ah iki chu thaw sek ziak uh ahi mai diam maw?
