ZOMI NAM PHATSAN TE NUNG KIT HUNTA HILO AHEM
By: K.L. Muana Vaiphei – 02 01 22
Pathian khawvel leh a sunga thil hing josia a siam a chung a leng thei,nuai a vak thei,Tui leh mual a siam a sung a ganhing chichuam chuam asiam amau lem chandan chiat in a khawsau a,thim leh vak khawvel cheimawibtu di leh chawn tu di a khawi piak a Pathian in a en a hawi asa ma ma ahi.zia thilsiam josia enkawl ding in Adam leh Evi a siam a hawi asan kaki pak ma ma tan a thilsiam te achawk tai.
Athil siam te enkawl tu ding a guat a um Adam leh Evi chu amuang ma ma a ahin la,amuan lou gual in Pathian dawi lou gual ahi tak jiak in Eden huan a pat chun ngaingawi ngai leh it ma ma chung in anaw dawk ta himahleh Ama kibatpi a siam ahi jiak in a NGAINATNA chu atawp thei diak puan kizawp mat chet thei ta lou mah leu ahun sin in ahopi sek a,Adam leh Eve chun le Pathian chu a hemil thei diak pua ahinla,kitimatna bukim a um thei nai lou jiak un aki gal sai sai jing un,khat vei tei chu kitimat na di lampi a guangal jing thou hi.
Zia gual bawk a chun Zomi founder, leader,puitu masate khenkhat pawlpi- Nampi dan leh dun khau tak jiak leh mani masial na chawp leh chil dawi ai in ei buo jiak a kikhenna,kidaidan na,kitimat thei lou na khenkhat jiak a zomi hingal,zomi lungput nei mimal ego leh ki muannawna,ki itthik na khenkhat te jiak a kigawm kit thei lou te,Babylon sal a tang gual a um kha ( PS.137) Zion la ( zogam) la sa thei lo,Zogam ngaina tamtak um ah nau a,atan nau sal a pat pui dawh a zogam la sa a lam leh zallena piak hi lungguk ahiu.i Bible a chapa taimang pakha ke kisik a a pa kiang lam a hun zawt kit akhan Beram tha tuitak ala tha a,acha gual a,alak kit gual in zomi chapa taimang te le kisik in innpi hung tai lut kit kim leu u zogam movement hi hat zawsem ding in NGAINATNA leh kinepna ka nei hi(Luke 15:11-32)
Khawvel hinkhua khualjin na hin lamthang suantha,hikhel,hiatkhel jiak a bawk leh hi khel a um thei ma ahi ahinla,kisik hun,nungkit hun hethei lou a um chun juda iskariot gual a bang ma lo suak thei ahi lam he dek a,nu leh pa kianga ngaidam dawn a kituak hi mimal dam na leh nampi suachatna di tam um sum chu hi ding in ka ngaitua hi.
Khaile,unau I hikhel na nateu ki ngaidam tua in nampi ngaikhawkna tawh nampi ngawngkawl bat bat khawm in semkhawm leu hing suachatna Lalpan ei pe ngei di ahi.zomi leh zogam damjing ta hen!