31st May 2024 | Kanam Vaiphei
Tuni chun Zillai Gen. Hqtrs vai saina in a 85 tinna Zillai Day Vaiphei Community Centre Bethel Veng a mat in a um hi. Programme hi zingkal lam dak 11:00 a kipan a, meeting puitu’n Pu S. Lianboi Vaiphei Spokeperson Zillai GHQ apang a, Pro Pastor Haugouthang in hun hawnna’n pauchapna anei hi. Malisha Suantak mapuina in Zillai Anthem sakkhawmna a um hi. Pu David Suantak Gen. Secy Zillai GHQ in report piakna lea nei hi. Zillai constitution hawndawna hun Upa Luttinthang Ex President Zillai GHQ in anei a, Upa Khamneithang Advisor Zillai GHQ in Zillai Souvenir 2021-2024 hawndawna anei hi. Zillai Day message Pu Pauneilal Haulai in agen a, Aman agen ah “Ka maw puakna chu a bul in ka thasia, maleh ka thei dan dan in ka hunpuak to lai in, ka term sung chu puazo thei in ka um ta tuhin, Pathian eipui na taw vang pha kaki sa tai. Pathian mapui na zal in dan thak leh malsawm na thak taw ma hun pui henla, Vaiphei Nam pui tu ginum hung hi unla, Pathian in zillai mapui in malsawm zel ta hen” ti in vai hung puathak te le tilkhauna anei hi. Term thak ah Zillai puitu dingte thutiam neisakna Dr.Soilalsiam- Member Zillai Welfare Committee & Chief Election Commissioner Zillai GHQ in anei zaw in, puitu alui leh athak kikhutsanna in azui ngal hi. Tuni thutiam neisak ah umte chu ahiu le : President Lianzalal Vaiphei- Vice President – V Hauchung, General Secretary – Letkhosiam, Joint Secretary – J Louis Baite, Spokesperson & Secy, Organisational Affairs – S Lianboi Vaiphei, Secy, Higher & Sec. Education – S Lianminthang Vaiphei, Treasurer & Secy, School Education – Gracy Tingneingai, Secy, Education (Institutional Welfare) & Skills/ Vocational Studies – Esther Suantak, Secy, Education (competitive exams, coaching & Career counseling) – Mercy Tingphanei, Secy, Education (Health) – Dr. Tinglalsiam Riva Khaute, Secy, Finance – Th Hauboi Vaiphei, Secy, Literature, Social & Culture – Genthianson Vaiphei, Secy, Library & Information – Ginneithang, Secy, Social media & Branding – George AK Neihsial, Secy, Sports – Haulalson, Asst. Secy. to Education Secretaries & i/c Displaced students – ST Albert te ahiu hi. Malzawl pauchapna nei ding Rev. Khaizakham ahina tawh kitawn inpauchapna anei masang in holimna tawm cha anei a, agenna achun “Zillai ten hun mat dan zil thak un. Khangthak ten exam Central buaipi sang in, All India a competitive exam te zo thei ding in pan hun la un. Zillai te’n Pathian hi amasapen ah koi ding ahi’’ ati. Chuleh, President thak Pu Lianzalal in holimna anei a, aman agenna a, “Zillai hi ngai pawimaw ding, Lamka sung bep hilo in, Thingtang lam natiang a lekha sim zolo a school kaita lo tampi um ngei ding ahia, ziate chu zillai in bang gual in pan la ding ihiu em ti chu tu a zillai ten maw Ipuak hun uh ahi tai. Zillai lekha sim maimai hilo in, quality neitak ah sim a pawimaw hi. I gam in zillai organisations chuam chuam tribe tin in Inei ua, ahinla zillai ihi chun zillai lam bep ngaikhawk a pawimaw hi. Zillai in politics hiat a pawimaw in kihel vang apha puai. Zillai enjoyment neitak luat le apha puai. Zillai hi sung a Music siam ah I hunte mattawm aphai. Imi masa ala mual liam masa te’n zillai ala tup dan uh hi ngaitua thak hitiu. I talent dungzui chiat ua panlak a, khutnasep a kito del thei ding I guat diu ahi. I puitu masa zillai te chung in kipak thu kagen hi, amau puina ziak a zia chan hi tungthei ihiu” ati’i. Zillai cabinet member, Block leh Unit tin lawipa te athei chan ah khamthei ah kibual lo ding chialna le abawl hi. Pu Kaithianjoy Secy. Organinising Affairs in kipak thu gen in hun khak ahi.
ZILLAI HALFLONG BLOCK PUITU THAK DING TE
Tuni election na puitu thak kitel dawk te chu ahileh
President – Pu Haubawi
V.President – Tv Kaiminlun
G.Sectry – Tv Ginlemmang
Asst. Sectry- Tv Haulallawmsang
Tresurer – Nk Jenet Ngaiphanei
Committee members
Tv – Mesak Khupkhosei
Tv – Kailawmkim
Tv – Thianlemsiam
Tv – Pauzalthang
Tv – Richard Lamminthang
Nk – Julie Hawilalnem
Nk – Melody Chongneithiam
Nk – Laldinpui
Nk – Lalnunhawi
Nk – Esther Lalnunpui
