*ZAWNG IN AMA TAWKHAWN MULOU IN MI TAWKHAWN ANUISAN SEK HI*
– K L Muana Vaiphei
Tuan a ipi leh puteu in ala gen veu sek uh, Zawngkupi in ama TAWKHAWN MULOU in, midang tawkhawn adem sek ti thu hi ka gel daw chang in lungthim ah hung kilang sek chu; mihiam te khat leh khat ki dem tua sek hi hingei ding ahi.
I Lalpau Jesu chun a nungzuite kiang in “La mit a Thingthem(tungzam/thingbong) um chu ngaitua lou ah, lasuapi mit ah tiangkang neucha um la mu a hem?” ati gual in, mite hikhelna leh diklona iha gen sang in, Amasaw or Amakhi mipha leh fel, ginum leh zui chiat di ti zaw leuhing kilemna leh khantona um diak ding in ka gel ahi.
Pathian thilsiam te lak a mihing taw umchan khanchan ah ki nai pen hi zawng leh ngau hi mai thei ahi jiak ahi diam? Pu leh pa ten thugosia gual in mi gilo leh um khel te hi zawng um maw ala ti sek ui.
ZAWNG hi le um maw gilo leh umkhel tak ahiu Thaichi or theiga thingga a nek uh leh le a nek bep uh hilo in asuksiat uh atam zawk sek ziak un aki mudaa in aki that nuam diak abang hi. Ziagual bawk a chun mihiam te hi le kipakchat sang in kigensiat leh ki dem hi ichin dan deu himai lo ding ahem ka ti chang a um hi. Ahinla, Pathian nei Nam ihi ziak un kidem leh kigensiat sang in KIPAKCHAT in Lukhawng anei zaw diam ka tia Luka 6:37-42 hi vak en khawm hitiu.
Khaile, unaute khat leh khat kipanpi in ki muangtua chiat leu hin ei siamtu chun I khualzin nau khawvel kitaitek na ahin midangte sang in ei malsawm in ei lawtin zaw ngei di ahi. Thunuaigawl leh sekdo tak a thilpha bawl hi hakat sem leu hing Israel te gual in, mimal leh nam lawting pen hung hi ngei di ihiu.
Mihiamte hi bukimlo a siam ihiu a khat leh khat iki panpiu a, KIPACHAT ua, lamdik a iki nun mu uh chun kimuan thakna leh pilna a kibelap in, machalna aum thei in, mipi vantang leh mipil ten le ei zathuap thei diu ahi.
Zia achung ah, ipi leh pu teu thuhil na leh ILalpau Jesu’n a nungzuite a ziltilna hi eiuh ei thuhil na le ahi ziak in ngil leh ngan a zui thei ding in Lalpan hatna/ zawna ei pe ta hen. Amen.
like