12th Nov 2023 | Kanam Vaiphei
Tuni 12th Nov 2023, dak 1:30pm in YVA Panglian Unit hawn na nei in aum hi.
YVA Gen.Hq apat noticed siam ahi dung zui in Panglian village ah YVA Panglian Unit hawn ding ti ahia, zia dung zui achun tuni chun YVA Gen.Hq Cabinet members 10te chia khawm in Panglian hausapu in ah hun mat na ala um hi. Ama sa in Pu S.Malsawm in hun kawt hawn na pauchap na nei in, chun Pu H.Sangpi, President YVA, Gen.Hq in YVA Panglian khua YVA Unit a hung pian dan gen in, Chun, Pu Tongthang Baite Hausapu, Panglian in YVA Gen.Hq te lamtua na thucha gen in, YVA Gen.Hq in tu chung ah gal buai na genthei tak aum ding te YVA Gen.Hq pan lak na tu tiang ah suan sam a um lo ahi dan leh YVA Liangvai Genthei te panpi tu ahi zing dan agen hi. Chun Pu H Sangpi President YVA Gen.Hq in YVA kiti hi constitution bu kitup tak nei a kalsuan te aki hia, bang tik hun a le khua le veng sung ah liangvang genthei te saksat na sawm dawl thei ding ah ki man zing a um ahi dan agen hi. Sum le pai thu ale lawi upate pil vang mama ding ahi ati ban in , Unit thak la hi nau ahin thu le la iki het tua zing diu ahi ati. Hun masa mat zaw ahi in, YVA dan bu dung zui in, Unit President leh Vice President ding ki tel na aum ngal a, chia khawm ten President veh vice ding in Pu L.Zamlenkap Baite, s/o Zamlun Baite leh Pu Tongkhohau Baite s/o Otsei Baite te tin ahi.
Tel tin aum te chu Upa. L. Manga in pauchapiak na leh malsawm na dawt piak na nei zaw in hun mat zaw ahi tai.