21st July 2021 | Kanam Vaiphei
Ala chiata 14th July 2021 ni’n Leilon Vaiphei Vangkhua cheng Pi Hoinem w/o Upa Khupmang hi kal(Kidney) natna nei ziakin hospital admit dingin Covid test ala kibawl, positive a hi khak ziakin Shija hospital Covid Ward ICU a etkawl in ala um hi. Zia zaw ah chun,Contact tracing le bawl zawm ngal ahi na’n a insungmite leh mi 3 positive mudaw beh ala hia, Natna kikaisawn ding ven na’n, theitawp suan Leilon Vaiphei Youth Club ten Quarantine/Isolation na tiang phu dawk in pan ala lau ti thu hiat ahi.
Zia ban ah chun, Tuhun Tuilo nasep khawk laitak ahi taw ki tawn in, Pi Hoinem te buchi the, hawp gual hun kikhel thei ding ah um chu Pu Khaikholal President, Young Vaiphei Association(YVA) Leilon Vaiphei Unit malat nan tuni chu thapian tuilo ala kuan piak ui, Pi Hoinem damlo na chung ah Thisan pawi maw leh damlo zawn lumlet na hawn le Leilon Vaiphei Tangval tawmngai te ala pang zing ui ti thu le hiat ala hi na lai hi.
Zia gual ah Leilon Vaiphei khaw te’n Hak sa leh sawmdawl ngaite sawm dawl na lopi tak mai ahun nei uh hin, mitamtak ading inle ettawn tak tak ahun hi ngei uh I gingcha, chun Pi Hoinem le Pathian zal leh tawmngai te kipiak zaw na zal zo in hung damdawk ngei in atichu I dawi sak nau lianpen ahi.
