YVA in Covid19 dona pan la bikte panpi.
18th June 2021 | Kanam Vaiphei.
Lamka, June-18, 2021: Young Vaiphei Association, Town Unit chun tuni’n Covid-19 pandemic ziaka frontline worker a pang abik in Medical department leh khawpi sunga curfew/lockdown enkaitu police duty-te kiang in theitui leh dawn ding tuithiang apiau hi.
Covid-19 pandemic ziaka gim-le-chawl thuak ah mipi bitna ding a panlatu medical leh police department-te panlakna hiatpina leh a dangchak hun ua a dawn ding uh bawlpiak thei umsun ti in dawn ding theitui leh tuithiang apiak uh hi’n YVA-Town Unit puite apat thu hiat ahi.
Dr. Vumchinpau Tonsing, CMO/CCpur chu a office ah vena nei in theitui packet tamkhop banah pandemic douna lam a medical fraternity-te panlakna kipakpi etsakna in kipakpina lekhadal (memento) apiau a, chun, khawpi sung abik in Red Cross Road-Tipaimukh Road Junction, Sielmat leibul leh Lanva leibul pang in mun chuamchuam ah curfew/lockdown enkai police duty-te kiang in dawn ding theitui leh tuithiang apiau hi.
YVA Town Unit-te ahiuleh David PG Vaiphei, President, YVA-Town Unit mapuina cabinet member-te ahiu hi.
Khawvaiphei News Service
