30th Nov 2023 | Kanam Vaiphei
Zani chun Young Vaiphei Association (YVA) Gen.HQ in meeting pawi maw tak nei in thu chuam chuam gen khawm na a um hi.
Tu lai I gam buai na ziak a YVA Ge.Hg panlak dan ,Relief Camp a um te sil leh chen ding , YVA Dan bu leh Relief Committee lam apat in thu pawi maw chuam chuam gen khawm na tuni nitak dak 4pm akipan in ala um hi. Government lam apat supply hung te ki dailo na nasa tak um zing taw ki sai leh IDPs Central chuam chuam aum te avel a ve thak ding ti haw gen khak diak a um in, tu sanga ki ningting zaw nek leh chak leh sil le chen um sak ding le Camp khen khat a lem chang zaw diak ding gel na gawp khawm le suk tup ding tite gen khawm ahi.
Zia meeting hi VPC complex, Bethel veng, Lamka, Churachandpur mun a nei in ala um a, tu nung sawt lo cha le YVA Unit thak hawn na le um pai ding ti thu lawi upate apat in thu dawn ahi.
YVA te hi adiak a Vaiphei community sung ah IDPs panpitu deute ahi ban un damlo hitan tiang a doctor haw taw pang khawm a IDPs te hi ala etsak lum let ahiu. Meitei gal ziak a belding lem chang talo a um te khawtua a Government lam na tiang a thil pawi maw chi chuam chuam del zui piak a pan la zing te ahi nau ahin, tamtak in YVA chu ki ngak na nei a khawsa dawk le aum tau hi.
![Hair Colouring Offer @Getinlamka Unisex Salon & Academy](https://www.kanamvaiphei.com/wp-content/uploads/2023/09/381109446_6608855762532464_3603268759675470800_n-1024x1024.jpeg)