11th June 2024 | Kanam Vaiphei
Vaiphei Peoples’ Council (VPC) General Heaquarters Presidential Election 2024-27 chu tuni’n Vaiphei Community Centre, Bethel Area, New Lamka ah nei ahi. VPC General Headquarters Presidential Election ah Voter 675 umlak in Voter 554 te’n Vaiphei mipite thasang in Nampi puitu ding telna anei ui. Tuchung VPC GHQ puitu ding kitelna hun in President post ah Candidate mi 5- Pu Hauneilal, Incumbent President; Pu Henlianthang Thanglet, former CEO/CCpur & Ex-MLA candidate (Singngat); Pu Khatkhotong Baite, Ex-President, VPC-GHQ; Pu P. Kamkholal, Ex-President & Ex-MDC; leh Pu M. Dama, Spl. Contractor ahiu hi. Vice President post in Upa ST Liana, Ex-President YVA & Zillai GHQ; Pu/Upa Th. Khamneithang Vaiphei, Ex-GS, VPC GHQ leh Pu Thangkholal Baite, Convenor VVC ahiu hi.
Election ahin VPC Ghq a office bearer leh Cabinet member akigawm in mi 23, VPC ghq Adviser 3, VPC ghq a Ex President 5, VPC ghq Ex Vice President 3, VPC Ghq Ex General Secretaries 5, Ex MP, Ex Minister, MLA leh Ex MDC 7, frontal organisation chuam chuam YVA-GHQs, Zillai-GHQs, Vaiphei Artist Association (VAA)-GHQs, Vaiphei Christian Association (VCA)-GHQs, Vaiphei Officers Forum (VOF), Vaiphei Literature Society (VLS) chuleh VRF akigawm a mi 16, Chongkhozo Block apat 32, Eastern Block apat khaw hausa 15, Gangpimual Block apat 57, Kangvai Block apat 104, K Sabi Block sung a hausa 4, Kolhen Block apat 27, Lamka Block apat 21, Leilon Block apat 74, Lingsiphai Block apat 91, Sangaikot Block apat 63, Singngat Block apat 28, Thanlon Block apat 16, Tonglon Block apat 19, Tuiliduang Block apat 28, Moreh Block apat 15 leh mun chuam chuam apat palai vote khiathei 675 aum ui.
Tuchung VPC Election a Chief Election Commissioner in Rev. Lamkhogin Khaute ahi in, Election Commissioner cum Secretary chu Dr Lamzolian leh Election Commissioner chu Salvador T Baite ahiu hi. Tuni teltin a um VPC-GHQ a President leh Vice President chu ahiu leh Pu Henlianthang Thanglet, former CEO/CCpur President ding ah teltin ahia, Vice President ding in Upa Th. Khamneithang Vaiphei, Ex-GS te ahiu hi. Chun, teltin aumte hin kitiamna(Oath Taking) le anei ngal ui.
