Vaiphei Khankhua ding hi kua khut aki nga ahi em?
Vaiphei Nam hi Nam dang tamtak te lak in Pathian in Namlopi tak ding in eila guat lawk ahi. Manipur gam ginglo tamtak lak a Christa chanchinpha pua luttu ding in eila guat lawk ahitai. Zia chun Nam tamtak lak apat mi nun nem, kamthiam,zaidam leh melpha chung chuang ding in eila uat lawk ahi. Zia ei guat lawk dung zui achun tu hin i khua sa zing uh ahi.
Lamka Zomi khuapi sung a muan na leh bit na aum tinten ziak in tuni chan hin,Lamka Vaiphei Namte chun gam gamla tak tak apat in lubukphal in aki zuan sek a, adiak in melma galhat taktak ten Nam neu chacha te a suk man thai ua aluteu tan piak ua, a numei teu asuksiat piak lai un le mun bit zaw zuan in Vaiphei nam te chun Lamka khuapi ala ki bel tuntun hi. Chun,Nekleh chak khua sak na lam dawl in le khuapi bit umsun tia ngai in ala kibel ta ahi. Kum tampi hung chia ta in Vaiphei nam chu Pathian in aguat piak atiam na gam chun Lamka khua pi achun suan le pak te taw kum tamtak dam ding tep na um lo maleh zia tak mun achu khua sa in ala khuasa den tau hi.
Vaiphei Nam chu aki pun be zel dung zui in, Lamka khuapi chun Thunei na sang zaw diak te chu pha in a lawi upa thupi tak tak ahung kihi to zel hi. Kum 2000 chung lam khawvel khanto na ki delhuan na lak in le mite hiat thei di tiang in Vaiphei Nam chu dawpsang in ala ki um to zel in MLA na tiang hung kinei to in dinmun pawi maw tak in lan kai in ium thei tau.
Pathian mapui na leh a zangaina lian tak ziak in tu chan hin tiang hi tung ihi tak ule, Ei puitu hin ama thu nung lote tia dan ni le i chung ua alung natna ahun latsak khak di hi iki ven ten uh ngai ma ma hi ta ding ahi. Leng leh lal te chun a khawn bawl ding te chu ama thu nuai aum te bepcha aguat sak uale Pathian chun le dan mihing Leng leh Lalte gual lungthim puthut in i Nam chung ua hi thumanglo tia gawt na lungthim ei put khum khak di hi thil tizat um tak ahi. Zia i Pathian lungki tawngkhawng ma chun i mimal chiat ua hin i Pathian lam uh hi ngai ven thak kit hitiu. Lei a i chen khawmpi te taw ki nak kibau, Kithakimat, ki muda leh ki eng bawl, ki nutsia le ki taisan in khuasa veng vung gua pua hi tiu. Bible gen gual a…… Zia gual lungthum Lalpa Jesu apat piak aum chun i sia le pha hiat na teu mang in chamna hawl in malam sawn gua chiat le hin miten ei eng pen u Nam tel chuam ihi nau hi lul diak ding ahi. Zia chun mi dang gel piak ngai lo in,ei ma nam sung amimal maw puak na i Nam khankhua ding chu ki nga ahi dan he chian mai in hitiu, Zia ziak chun,Nam mipi te dawi lo zawng a khan chan nun chan nei nei khak a mani tupkhat nei ziak bep ate leh dawi dan kibat lo ziak ahem maimai in Nam puitu hi gua zaw lo in, nam mipi dawidan a Amen ti thei zaw ding in aw….
