Kum 1954 apat tunitan Zou tate kipuihuoina leh luongkhawmna United Zou Organisation
(UZO) hiden nalai hi. Hinanleh Zou sung a angmasiel tawm noukhat te’n Singngat khopi
pansan in 25th January, 2020 ni’n UZO (Zomi) chi tuom sese khat ana bawltawm zoh in ki-
phuon mawh uhi. Zou sung a kipawl khawmna UZO leh akahiengte ZYO, ZSP, ZLS, ZAU
te’n mawpai (condemnation) banah i Zou Hattuom te’n pawna mama hi. Thatang-thagum
suo a, kisat-kibal a, sam bang kikhen den khah ding venna in UZO Headquarters Executive
Committee, Zoveng, Zenhang Lamka in tami thu Government Court ah tut mai ding pha ana
kisah dungzui in Original Suit No. 3 of 2021 leh Judl. Misc. Case No. 5 of 2021 in Court
case chiemte ahi. Nimit 10-02-2021 ni’n Civil Court (Jr. Div) Churachandpur in a tomkim
in tambang in thukhenna (Temporary Injunction) bawl hi “Upa Hangkhanpau Taithul leh a
pawl te’n UZO min, Letter Head, Symbol/Logo a zang theisih ding uhi. Tualeh UZO min
in Singngat khopi ah tarik 12-02-2021 in General Assembly anei theisih ding ua tuaban ah,
Zouton tarik 13-02-2021 ni a bawl na ding in zong UZO min zah phal ahisih hi. Tuazieh in
UZO vaiguon na lou, nopbawlna/pawl te ah Zou tate koima kihal lou ding in iki theisah hi.
Pasian in Zou tate hingma pui in lamkai masate hunlai apat in UZO khat in ana luong zing
a, tuhun in zong aluongkhawm nalai a, maban ah zong khang sawnte a ding in UZO khat
in aluongden ding hi.
Thudih in guol a jou hi (Truth always Triumph)
UZO in masawn zelta hen!