20th Feb 2025 | Kanam Vaiphei
Upa Luttinthang Lifetime Achivement Award Zillai Gen.HQ in nei.
Tuni Tarik 20, feb,2025 Nitaklam dak 3 in Zillai GHQ President Lui Upa Luttinthang Chu Zillai GHQ in Lifetime Achievement Award 2025 piakna anei ui.
Upa Luttinthang hi Zillai ngaina mama hi in, theitawpsua Zillai ading ah ahun tamtak ala mang, Zillai GHQ ah President leh General Secretary tê ala tûk in, nam adinga sepdaw tampi nei in, Simlai (Baite Students’ Association) leh Zillai GHQ kigawpkhawm theina ding ah Simlai-Zillai Reconciliation Committee ah ama Chairman na nuai in gawpkhawm in ala um hi.
Ama hi Zillai Constitution Draft ah Chairman le ahi. chuleh Lutthang hi Vaiphei novelist leh historical romance lam ziaktu, Zan Thavaium leh Ginum zing in Aw ti ziaktu kha a hia.Vaiphei chate khawvel pumpi ei taklang theitu World Literature ah Pioneer a hi.A lekhabu hi English ah translate hileh tusang a hi mi ngaisan leh ettawn, mi minthang, world figure hiding a hi.Tuhin North East literature kiti hi University a le a zil tau a, ei uh culture,literature leh pau hawi tak mai hi promote zelna ding a platform hawitak inei thei uhi kipak a um ma ma hi.Lutthang, Pathian in veng zel hen la dam sawt hen.A bu dang dang le hun ziak zawm zel din i dawi sak uh a hi.Tuhi Nagaland mite tuanthu base a kiziak,When the River Sleeps Easterine Kire zik hile ngaisan leh chawisang in a um hi.Ei uh lekhabu ziak Vaiphei chaten le hat takin pan la zel hitiu.
Zia Award piakdawna hi Upa Luttinthang umna mun Bethel Area, Dorcas Veng ah Zillai GHQ in hunguan pawimaw tak siam in apiadawk uh ahi. Zia hun ahin puitu in Lianzalal Vaiphei, Zillai GHQ President apang a, Thugenna upa Luttinthang Chanchin chawmkin genna Dr Lamkhogin, Ex President Zillai GHQ in anei hi. Presentation Lifetime Achievement Award piakdawna Letkhosiem Zillai GHQ secy in anei a, Award piadawk na Dr.Lamkhogin Ex.Zillai President in anei hi. Puandum silsakna Lunneikhup Asst. Proffesor Advisor Zillai GHQ in anei zaw in, Kithuapina piakna V.Hauchung Vice president Zillai GHQ in anei hi. Pauchap piak na Rev. S Lama Vaiphei TPCS in anei zaw in Hunkhakna Upa S.T Lalson in anei hi.
