*TULAI KHRISTIAN TAM TAK TE DINMUN:*
*By- KL Muana Vaiphei*
Khawvel pilna leh khawhei dan, gamtat dan, zulzau dan hi namenlo in a zallen ta, zia Thiangzau khawvel ahi kiti mai leh a dik thei mai dia aw ka ti chang a um hi.
Thilpha, thutak hinkhua mat ah khawvel kitaitetna lam ah masawnna ding del sang in bailam tak ah lawtinna leh a penpen hi ziang nawpna hin mihing a mapui ta hi in a kilang ta ti mai leng khiallo mai thei ahi.
Malai ah tawmngaina, thianthona, diktatna, nu leh pa zana, sang ah upa zawte zana, Pathian launa, kihepinate hi nasatak in a kiam ah, sawlchak Paul in, nang uh hi khawvel thuthang mai maite ziak in la bil uh sukngawng la hi tau “Kei Paul chu kidona pha chu ka zo tan, zawna Lallukhuk la ding ah chia di ka hitai” ati hi tawh I tulai khawvel chia dan hi lei leh van a kigamlat gual a bang tai.
Chun, nang uh le zia gual ma bawk achun kitaitetna pha la zaw theina ding un haksatna gensenlo te zamsan in kumtuang bukimna chu tung thei ding in kunglam chu del ham un ei ti ahi. Zia chu nang leh kei khut in a um ta ngei mai ah, a khawizawk chu tel di I hiu em ei ma dawidan chiat in thupukna la mai tai tiu.
Zia khawvel lopina leh lalna te hi chung Vangam a I chan di tawh I tekak kham a hi him him puai. Khawvel nawpna leh lalna te hi khiak la kham ah ngailo te a ding in, Lalpa kiang lam zuan ham ham hi tiu. Zia chun khuaizu leh bawng nawi, sana dangka, ngunkhamtual lai a chun belam hawn tawh van Angel sim senlo te tawh lungkham beidawn um talo Lalpa ma hingtin zosia lengkhawm tai tiu. Zia lungkhamna ka na him a um ta puan, limtawp um talo di’n leng khawm dial dial di I hitai. Zia mun leh hun chu mithiangtho te chen nuam in a ngak la tau. Zia gam chu a hi ka kinepna chu Lala thuang ei pui tung mai tan. Ka khaulzin nau hi ka chim ta ma mau…piandang te tuallenna khawpi a chun ei hunlawp lut mai tan aw.
