TULAI HIIPI HUAISIA COVID-19
( 2nd wave)
π·ππ°
Aziktu: Pu Ginlalthuam
Lalgin inn
Mualngat innpi
Khualzinna Gam
( Land of pilgrimage)
π
A masan simtute zosia damna CHIBAI π€ uhle..!
Sak,thang,sim leh mal ah um, Khrista thisan zal ah ka suapi dawitak teβ¦β¦.! Khawvel khualzinna leh hansialaw na gam ahin hiipi huaisia, Covid-19(2nd wave) lau um tak hin, gamtin leh muntin ah thuthang phalo; beidawnna, lungkham mangbatna leh thi lusun, liangvaina te ziakin vangkhuazawl a ngui gamta e. Maleh, Pathian in damna pha ei piak hih aman tam in avangphat um na lawm2 e maw ! tuni chan ah khawvel pilna leh chitna ten le ah sukdam zaw guallo, ilakin acham zing ziang tai maw ! Bangtin khawsa, bangtin hinkhaw mang ding ihih tau em ? Natna hiipi lengvel lak ahin, Lalpa Pathian i bel mailou uh chun bel ding him2 aum ta puai.
Mihingte hih kikawmtua, banzal ah ki sangtua zing, kihinapin, melma gualin daipal bang kikaikhum chiat in, ki kikhen utlo sa san samgibang in natna leh thina ten hunsin leh phatsin in ei khen mai tai mawβ¦β¦..!
Ginna ah ka suapi dawitak, chuleh ka khristian chanpite,
Ki ngaitua hun tak zet hi talo ahem ? A la kingaitua him2 tia, tuni i chiana lampi hih zing le i tunna ding Pathian lampi zuidik i hinau em ?
Thina zo ah khawi in la um ta diam leh ? Thi dingah kisa zosa um le a ngaitah hilamβ¦β¦.!
Lalpaβn hiipi, huipi hat tak lak apat in ei vengbit in ei umpi chiat henla; ium na mun chiat un damvawng vawng chiat mai hitiu awβ¦.! Gingtute haw lungkham him2 puai tiu e, Lalpa Pathian, i kiang un aum zing ahi.
βTU LEH KUMTUANG TIANG IN LE UM ZING TA HENβ.
βοΈ