THILPHA BAWLđ
Bible chĂąngtel: Galatia 6:9,10
Aziktu: Pu Ginlalthuam
âLalgin Innâ
Mualngat Innpi
Khualzinna Gam
( Land of pilgrimage)
đȘ
Simtute la leng un damna chibai uhleâŠ.!
Lalpa Pathian in mihiamte hih thilpha bawl ding leh napha sĂȘm ding ah ei siam ihiu in, I sepna mun chiat un mani lawkna ding mai hilou in midang te kithuapi ding ah ei siam I hiu hi.Tichun, mihiamte hin nĂą sepna I nei chiat ua. Zia nĂą chuh alian leh aneu in a kikhen ah. Eima mani nasĂȘm chuleh government nasĂȘm/ thilbawl i hiu hi.
Britishte khang in sawlkar nasĂȘmte hih âMasterâ ala tiu ah. Mipite hih ahiu le âServantâ ala tiu hi. Himaleh, kum 1947 apat ei India gam in zalĂȘnna ihung muâ in zia chuh ahung kitheng tuata. Government nasĂȘmte ahiu leh servant ahung kitia, a mipite hih master ahung kitita ahi.
Zia gual ah kithen tuana hih kum 72 lam hial ala liam tamaleh, ei India gam ahin zuithei tak tak lo I bang ua. Government nasĂȘmte master hizing in a mipite servant gual in India dĂąn Britishte khang apat ila chiapiu hih, tuâ khangtiang in atawp thei ta puai.
Zia ziak achun, government nasĂȘm khenkhat âservantâ ahi lam lam uh kihelo in, alet leh lal nau mun ah mipi dĂąn-leh-mual hia um talo; office ah zuchiate simmaw tak ah ui-ho-ak-ho ah kiho chĂąng bang mipiteân I tuak sek uh ahi! Kilet sakna ziak in India dĂąn pal kĂȘk hilo ihiu em? Mipiân thu nei talo, sĂȘmtute zawkin thu anei tĂąk ziak un, nĂȘkgĂ»k-chĂąkgĂ»k apunglo theilo ahi ta ahi. Zia-nalai tak hih India dĂąnpiâ I zuikhial nau chuh ahung hitai.
Government nasĂȘmte leh mipite hih a kua zawk hih thunei zawding ihiu em ? Pu M K Gandhi in tihin ala gĂȘn hi, âGovernment jobs are meant for serving the peopleâ-Government nĂą zosia hih mipite nĂą sep piak nading ah kisiam ahi( Meitei teân âSeba toubaâatiu hi ahi). Chuleh, Pu HT.Sangliana, IPS in tihin a gĂȘn hi, âPolice officer khat ah pan hih mipite kithuapina dingah service pha tak ahiâ.
Pu HT.Sangliana,IPS gual hih ilak in tam leu hin chuh, I gam leh nam hih khangto mai lo ding ahem?
Ahiân, India mipite I vĂąngsiat nau khat chuh, tulai ah athiam-aching, alian-alal, sawlkar nasĂȘm khenkhatte hin mipite nasĂȘm ah pan nĂąk sĂąng in, thilpha bawl ding lung ah le gĂȘlpha ngai sek loin; mani go thil ding bep ngaitua naân, mipite chan ding tiang tiang bang hei kawi in, âzawng thawk ding, ngĂąu in thuakâ, tiâ gual deu dĂąn in, eima let leh lalna kualsung ah thilpha bawl ding he ma ma ngĂąl ah bawlthei sek lote ziak ahin, mipite liangvaina atut bĂąn in I gam in khantona abasam sek ahi.
Office ah mipite thil ngaitua ah zuchia khawm sekte chu I gĂȘn tĂąngpiu in âa mawlâ deu leh âa chingâ deu aki um kit hi. A mawl deute (office chia dĂąn helo leh a tĂąngpi sum nei zolo deute) chuh muâsit ah um in, a ching deute (sum gawlgukna bawl zote) chuh ngaisak bikna lunggĂȘl inei sek uh hih, India dĂąn nuai ah sĂȘmtu dingin I tit nadiam? Mi zosia chung ah thilpha bawl ki um talo; ginnaâ I innkuan pite chung tiang ahle bawl diak talote I hiu. Spirit of public service has been missing from the public servants- Mipi nasepna (public service) thagau hih mipi nasĂȘmtute( public servants) lak apat in a bei zotai.
Lalpa Pathian I honau leh I nasep dĂąn teu chuleh I lunggĂȘl teu hih Pathian biak inn gual in I mang talo uh abang ta e! Ziak achun, ei uh Kristian chapa leh chanute bĂȘk bĂȘk chaâ hin I nasepna mun chiat un thilpha bawl chimchĂąk puai tiu. Thilpha bawl ah I haâpan zing ua le ahun takin a gĂą luak ngĂȘi ding ihiu.
Chutichun, hun lemchĂąng I nei zosiau hih mi zosia chung ah THILPHA BAWL naân mat guachiat hitiu.
đđđ