*THIAMPU LEM*
Kipawl khawmna chuam chuam bawl a taikawi lum let te, *Pathian kilakna bukim Bible, zilsakna ngaisaklo* a kilakna chuam hawlte, Bible leh Pathian thu hetna lam tawm deute puimang sawm setan matchak thiampu lem atam mama ahi.Pathian mi leh Pathian nasem kisa mama, thianthona neilo, hepina neilo, ki ngainiamna neilo a tam mama in ahi.Damlo genthei liangvai te thepbawl in damna hiselna ding a pauchap piak thei a kigen pawl le hung tam deu deu ding ahi. Pathian Thu hiatna dik tak chu Pathian in ei piak ding ahi. Pathian Thagau Thiangtho panglo in mani mimal hatna leh gunchu na in, Bible zilsakna hi hetding gual ahi puai. Khristian dik tak khat chun Bible zilsakna, Bible thu ahet ding him ahi. Bible Thiam minthang mama RC Sproul chun *’gingtu khat chun Pathian thu a het ding him ahi’* ati ahi. Gingtute ading a poimaw pen chu Pathian thu hiat,vawp leh zui hi ahi.Athu hiatna, vawp leh zuina ding in Pathian panpina bep i poimaw pen kit ahi Bible sim peilo, he utlo, zil peilo te chun a Khristian hinau aki sut thak kit uh poimaw tak zet ding ahi. *Pathian Thu i ngaisaklonau leh zil peilona ziak un mi tamtak te i mangthai gam sek un ahi. Thugen thiam kiti te, mi sudamthei kitite, paucham damthei kiti te leh mimek dam thei kiti te hawl in leh amau muang in gingtu lem tamtak i phu lumlet zo gamta sek un ahi.*
Piangthak, Thagau a Pianthakna dik tak nei aman phat dan gen gual ei puai. A LOPI dan gen leh ngaitua batlo *Pathian chate* ihitau hi. Cha hina changte, ading in Pa dawi gual hi leh Pathian lopina ding a hing chu gawtna leh haksatna ahi puai.
Hinla Ginglote leh Khristian lem te ading in vang Pathian thunuai leh Pathian thupiak te zui chu genlo a haksa sa ahi. Khawvel sualna leh mani sual do a lungngai leh beidawng zing kawm ah Pathian i bel kha em Unau..kingaitua hitiu.
*Unau nangle Krista a pianthakna nei lahi tak chun, Thiampu lopi pen Jesu lanei hi.Ginglel lo in bel mai in, nang thasang a hung dawt piak ding, gen piak ding leh pauchap piak ding midang a ngaipuai….nang ma in Direct in Pathian chu la hopi theita ahi. Pauchap in….🛐🛐🛐*
*Ziaziakchun, suapite haw, Jesu thisan jal ah Munthiangtho pen ah lut ngamna I nei tau in, lampi thak leh hing ei guat piak chu haw in, (zia chu puanjak ah taksa ti’na ahi.) Pathian In sung ah thiampu lianpen chu I nei ziak un, lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu. Kilîng lo hial in I kinepnau thugin hi tudet zing hitiu, thutiampa chu a ginum ngal a*
HEBRAITE 10:19-23
*Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un. Ka pawt daw nung tak leh ngei hangsante la lak un hung lut intin, belam honte hi hun hawi puan ah ti ka hia’i. Nangmau lak ngei inle mi khen khat in nungzui khenkhatte chu puidaw gua’n, puikawina thute hun gen ding a hiu. Ziaziakchun, a sun a jan ah mitthi pum ah chawlnga lo hial ah ka hun thuhil sek la hiu a; ziate kha hezing in, chingthei tak leh kivêng tak in um zing un. Chuleh, tu’hin chu Pathian leh a hepina thu, a sukthianthote zosia lak ah hun siam piting thei leh golua ah hun siam ding, zia thu chu vopdet zing dingin ka hun kolsak la hiu*
NASEPTE 20:28-32
*Pay careful attention to yourselves and to all the flock, in which the Holy Spirit has made you overseers, to care for the church of God, which he obtained with his own blood. I know that after my departure fierce wolves will come in among you, not sparing the flock; and from among your own selves will arise men speaking twisted things, to draw away the disciples after them. Therefore be alert, remembering that for three years I did not cease night or day to admonish every one with tears. And now I commend you to God and to the word of his grace, which is able to build you up and to give you the inheritance among all those who are sanctified*
Acts 20:28-32 ESV
*Zia gual mite chu Khrista sawlchâk ah kisiam in, sawlchâk lêm, mi dawha bawl ah nasem ahi zawu hi. Zia chu thilmak ahi puai! Setan ngei le vâk vansawlchâk gual in a kisiam danglam sek hi. Ziaziakchun, a nasemte chule dikna nasêm gual in kisiam taleu thilmak ahi diak puai. A tawpna chun a thilbawl dan uh hung kilang ding ahi ngal a*
2 KORINTH 11:13-15
*For such men are false apostles, deceitful workmen, disguising themselves as apostles of Christ. And no wonder, for even Satan disguises himself as an angel of light. So it is no surprise if his servants, also, disguise themselves as servants of righteousness. Their end will correspond to their deeds*
2 Corinthians 11:13-15 ESV
*☦️KHRISTA LALPE’N SEPAITE☦️*
