🙍♂️SUM AH CHAWK THEILO GO LUL PEN🙍♀️
Bible changtel: Galatia 5:22,23.
Aziktu: Pu Ginlalthuam
Lalgin Inn
Mualngat Innpi
Khualzinna Gam.
🚲🛵🏍️🛺🚗🛻🚎
“SUM IN ACHAWK THEI SANGIN SUM IN ACHAWK THEILO NEI HIH AMANTAM ZAWI”
Khawvel ah mihingte dingah pawimawh pen chuh dangka SUM ahinai, maleh sum aum phawt ahile sepmawh bawlmawh lo aum puai, adiak in tu khang hih nei leh go( Matterealism) khawl atia kikhawl khawm ding hih mihingte lunggel/ tup thupi pen khat ahi tai. Sum ah kithep tua ah chawk tei tei chuleh lak piak tei2 guatna khang itung mai uh hih da um tak chuh ahi.
Chun Japan Gaal(2nd world war 1939-1945) lai ah ka khua, Mualngat ahin sum hau ma ma khat ala um ah ama chun dangka sum(thik) pawsal 7 in apuakzolo uh ala nei hi, asum itma ma ziakin gaal zamlo in a sum chuh gaal leh tual lakin thi leh man dingle gel phalo in asum chuh zamsan ngamlo in aumpi ngat2 mai ahi.
Zia kavak suklatna hih, mihing in sum leh pai ihau phat leh thile khawsalo in; aphalam sangin hansanna chuh ahung um sek him ahi.Zia hansanna chun thina chuleh manthaina mihingte chungin atung sek ahi.
Tulai khang hih mihingte khantou tawh dungzui in sum leh pai hawlna abailam ma ma ziang hitaleh akilawm ah contract/ thikah bawl ah hau, blackmarket thil ah hau, a lakh tihitalo in a crore tia gen ziang khang ahi tai. Mihingte sumhawl dan hih amak tilo gen ding aum tapuai. Upaten, mut ah khang ati gual un, khangtou ikisak lai un; a mangthai ding ah khangtou zawk ihih khak ding uh atizat um pen chuh ahi.Sum hinla thil ahithei ma ma ngal in.
Zia khualzinna khawvel ah dangka sum in a chawk theite chuh khawvel ah thil um zosia tiding ahi mai hi.Chun mihingte hih innsung khat ziangle ahitheina Capacity kibang umlo in sum leh pai hawl hih i thupi pen uh ahi mai ta e.
Awle, tuni i gennawp pen chuh ahileh sum ah chawk theilo golul pen, thagau gaate chuh:
1.HEPINA
2.KIPAKNA
3.KICHAMNA
4.THAWKHATNA
5.NUNNEMNA
6.PHATNA
7.GINUMNA
8.THUNUAIGAWLNA
9.KISUMTHEINA
Zia te hih dangka sum ah chawk thei hilo maleh mihingte dingah a pawimawh pen golul tak, daan tawh kikal ngailo; hawl in, nei gawchiat leu hen lawkna chuh hi zaw mailo ding ahem….!
Simtute zosia Lalpa’n malzawl ta hen.
💸💵💴💶💷
