✝️SUALNA ZAMSAN/ THISAN AH KHRIST TAWH HINNA✝️
Guanggaltu: Pu Ginlalthuam
Lalgin Inn
Mualngat Innpi
Khualzinna Gam
💝💖💗💓💘
🙏
A masan, I Lalpa Jesu Khrist lei mihingte din ahung thi, athaw kikna nilopi mangtute zosia chibai🤝
Rome mite kiang ah Sawlchak Paul lekhathawt hih lekhathawt sawm leh pathumte lak ah thupipen ahi ban in amasa pen ah kikawile ahi.Kum 58 AD vel ah Greek gam, Korinth khua ala zik dan ahi.
Awle, changtel….Romte bung 6 na pumpi hih vak simkhawm hitiu aw…..
✍️1.Bang gen ding ihiu tau em ? Hepina a pun theina ding in gilo zing ding ihiu em ?
✍️2. Hi….naisailo e, ei uh gitlo thisan tate chuh bangtin gitlona ah hingzing thei ding ihiu em ?
✍️3.Kuale Jesu Khrist ah baptisma chang zosia chuh a thina ah baptisma chang i hitau, ti la he puau em ?
✍️4.A thina ah baptisma chang ah, ama gual ah vui ah ium ua, Pa lopina chun Jesu chuh mithi lak ah kipat a kaithaw gual in eihaw le hinna thak ah hing ding ihiu.
✍️5. Jesu thina tak sang ah ama tawh i kizawp chun, ama athaw kit gual in thokik ngei ding ihiu.
✍️6.Gitlona suak ah ium taklo na ding un sualna pua i taksau, mihing lui chuh Khrist gual ah khetden in a umtai, ti chuh ihiau hi.
✍️7.Kuale a thi taphawt chuh gitlona ah kipat zalen a hitai.
✍️8.Khrist ging ah ithi uh chun ama kiang ah cheng ding ihiu, ti i gingchau hi.
✍️9.Khrist chuh thina ah kipat kaithaw in aum ah, thi kik talo ding a hi, ti chuh i hiau hi. Thina chun a chung ah thu a nei thei tapuai.
✍️10.A thina chuh gitlona ziak ah khatvei thi ah thi a hita, a hinna chuh Pathian kiang ah hingzing a hi.
✍️11.Zia gual achun nang uh le gitlona lam ah a thisa ah kingai in, Pathian lam ah Jesu Khrist ah hing in kingai un.
✍️12.Ziaziakchun, la taksa thatnawpna lam uh zui ding in la taksau thi thei ah chun sualna in vaihawm nawt taki hen.
✍️13.La taksa bakteu chuh sual matchak ding in peh ki unla, a thisa hung hing kit gual in Pathian a ding in làn thiangtho un. La taksa bakteu chuh Pathian dawi gual ah dikna nasep nan mangzaw un.
✍️14.Dàn nuai ah um hitalo in lungsiatna nuai ah um la hitak ziakun sual in la chung ua vaihawm talo ding ahi.
✍️15.Bang gual in i um ta diam uh ? Dàn nuai ah hilo ah lungsiatna nuai ah um i hitak ziak un sual zingding i hiu em? Hi…naisailo ahi.
✍️16.Suak ah la lut uhle a thu-awi ding ah suak la hiu. Gitlona suak ah la lut ua leh thina ahia, thu-awina suak ah la lut ua leh thiamchanna a hi, ti helo la hiu em ?
✍️17.Himaleh, Pathian chuh pak in um hen, gitlo suak ah um, a la hitah leuchin le chanchinpha thu chuh lunggil tak ah tuchak ah, la pawm ziak un.
✍️18.Gitlona suak ah kipat pawt in, dikna suak la hung hih zawtau ahi.
✍️19.Taksa lam ah la hatlo ziak un la hiat thei dingun ka hun gen la hiu. La taksa bàkteu chuh sualna leh dàn bawsiatna ah la mat gual uh khan, tuhin chuh dikna leh thianthona ding in mang ta un.
✍️20.Gitlona suak ah la um lai uh khan dikna thu nuai in la um puau hi.
✍️21.Gitlona ah la um lai ua, la thil bawl uh, tu la zachatnau haw chun bang phatchuamna a nei em ? Zia gual ah gitlona ah la thilbawl haw zosia tawpna chuh thina ahi.
✍️22.Himaleh, tuhin chuh gitlona ah kipat la pawtdawk tau ah,Pathian suak la hitau hi. La hung thiangtho tau ah, kumtuang hinna chang ding la hiu.
✍️23. Gitlo man chuh thina a hia, Pathian thil thawnpiak chuh i Lalpau Jesu Khrist zal ah kumtuang hinna ahi.
Lalpa’n athu malsawm ta hen. Thawkikna nilopi mat nuam……..!🤝
