13th July 2024 | Kanam Vaiphei
Pu Henlianthang Thanglet, President VPC , Functional President in a thugenna chun Zillai te hin mani kito del ngai khawk ding ahiatia , Gambuailaitak himaleh tigual a Zillai lawiupa ten Zillai ngaikhawk na zal athil la hun bawl te hi ka pak chamamai ati. Aban agen zelna chun, Ile kha sim te hi mani ading asim ihiu a aga imu phat le I chi inam in le aphat chuam pi ahi ziak in mani in hatak apan ilak uh ahun tak zet tai ati. Kum 1997 hun lai chun Thingkeu leh Chawngkhuazo chu Vaiphei khua lun taka la hia, ei sung akihetthiamlo na ziak in I khua lun tak chu tu tiang hin a ki dua dawk zotapui, Tun Meitei gal ahung um in Vaiphei te athuak tampen ihi kit ui, Zia gual chan chin neite chu ihi ziak un tu ni hung taikhawm ten mani ading bik ah pan ilak takzet uh akul ahi atia,I Nam chu ei Man iki buaipi lochun hi theilo ding ahi ati.
