Pitu Masate Gamgi eisia uhi khangthak te’n neitu hinna, hepina toh diktakna’n zûn taitiu!
-KL Muana
Hing-nun damlai khawvel hi lungkhamna leh beidawn na’n ei umkim vel ta mai hi.Thudik leh thutak khen thei na him a um ta puai, himale thilsiam te laka lul pen i hi ziak in, lemna, chamna leh mawlsawmna siam dinga siam i hiu ah, zia kin chu i zaw masangsia piallei thanthim lua a le’luan thim thu lel mai ding in I lawm puau, zia ngawng-kawl chu bât in Lalpa gamtiam gam a huai lut dingin mawpuakna chu tu ham ham ding in lalpa’n ei ngai sia a hi.
Pathian in nam a siam Zomi te nek leh chak hawl na ziak in gal hat te ziak in mun tin in I ki the thang tau a ,Burma, Baladesh leh in Indian te gamchuam mi foreigner mi ei ti nuam phial tau, ei la i hi na dik iki hechian ngal uh a hi.
Bristish te khawvel pumpi a vai hawm nawp ziak in a gam ah, Leng te tawh pang khawm in galdo in tax a a hun lau a ,nuam tak in a gam a sana dangka a chawm zaw nung un, bukim na umlo pum a gam a thunei zaw te vaihawm na nuai in a hun nusia tau.
Chin state a thuneina bukim lo laklaw tak in, a thu mai tawh ei nusia ah, zia gual bawk achun thuneina ei pe pua,a diak in maimipur a ADCc thunei na leh Meitei thuneina na nuai in in ei kawi uh a hi. Manipur Lengpan 1949 shillong accord a mainipur Indian union a a surrender in le thingtang gam apangkha puai chuti chu a hile, thingtang mite hi zallen ihiu zia I zallenna hi hawl dawk in I zallenna nau hi I mu dawk kit diu a hi.
Pathian in a chate hi gam khat chiat apia ei le Zogam ei pia a hi. Eipiak na gam hi lua zing ngal a in khut nuai a um mai hi ei suilung mawl man a hi hi.Zia gual chu unau ki tuak tak a ilua di hi na pi in mi kianga ikizuak ziak ua I gam ki lualo mai a hi, ki tuak leh kiheipi tak in ki it-thikna na umlo in pang khawm leu hin e gam uh hi kua ma tawh kichulo a i lua di hi mai hilo a hem?
Ikihen thei na ding in unai hina pi in pau chuam bak chuam dan in ei khen ah, zia chu hezing ngal ah, i ki khen guat ham ham hin! gam nei na dinga a daltu hi na di a hi ziak in khrista leh Zomi thisan zal in ki gawm ham hitiu, zia chu taksa leh thagau damna ding a hi.
