💐PHUNG LEH CHANG✍️
Aziktu: Pu Ginlalthuam
Lalgin Inn
Mualngat Innpi
Khualzinna Gam
🌾💐🌷🌼🌸🌾
“PHUNG LEH CHANG KITI HIN NAM A CHAWISANG NA DIAM”…?
Lalpa Pathian in lei ah mihiamte hih phung leh chang nei ding him ah ei siam chuh ahi. Chutichun, i Lalpa Jesu khrista khawvel ah mihing ah a hung pian akhan, David phung gui apat in ahung piang ahi. Khawvel ah kum 30 val ala khawsak lai in Lal na thupi tak2 ala sem dawk in, phung min lam in bangma ala semlo phawt ahi.
Ei uh mihiamte hin phung leh chang ngainat ziak chuleh het tinten ziak tiding ahem ? Namkhat te bang kikhen sawn sawn na(divide and rule policy) bang i society sung, kochuamsung, namsung chuleh ilet leh lalna kualsung ah vaihawmna ila nei patnau chuh: Macedonea leng Philip II hunlai tichuh 359-336 BC ah patdaw in ala umta ahi. Alexander the great in 366-336 BC velin Macedonea lalgam neucha sungin vai ala hawm hi, Rome vaihawmtu Julius Ceaser in 100-44 BC lai in, chuleh French Emperor Nepoleon in 1804-1814 tiang in phung leh chang( divide and rule policy) in vai la hawm in eila patdaw piak uh chuh tuni chan ah mihingten ithipi theitak lo keiuh khat chuh phung leh chang hih ahi.
Ahile, phung leh chang ah kihui chuamna te ziakin khawsung/ vengsung, kochuamsung chuleh namsung ah kipumkhatna sangin kidaidanna, kigal etna, kituaklona chuleh khat kipakna, kipakpi theilo, khat dana le dapi theilo in lungzin, gentheina atut ban in i nam ngainatna leh chawisangna ah kibasam thei nalai lai ahi.
A chiata kum 1835 vel apat ila chenkhawmpiu unau Meitei te hih phung leh chang anei thou ui maleh sak-min kihiattuana, kizana, kilainatna, kihepina zawkin amang un, phung leh chang ah kihuichuam nan mangngailo un ka hei. Zia hih ettawn tak khat ikiangnai cha muthei chuh ahi.
Ei thingtangmi te chuh kipakna hin, danate hitaleh phung leh chang ah ki ettin ten na ziak in mihing pian phung ah mitawm deute ding in genthei haksatna atun thei hi. Khua pakhat hin mithi anei ua, abuaipi ding leh a uap ding nasan umlo tibang aum thei ahi.(Zia hih kamit ngei ah kamu, ka tuak khak ahi) Zia sang in nam min in entawp zawmai leu hin mi kuama genthei leh liangvai chuam kiumlo mai ding ahi.
Chun, i Pathian hona ziang ahle phung min ah ho tibang…chuh hiat ding aum maitak hih(phungho iti diam) thil daum khat ahi kik ta ahi. Zia chuh ei vei a chung ah i gen Julius Ceaser lunggel tuni chan ah ichiapiu chuh…..
I phung leh chang hih imin kihiattuana bep hilo a hem ? I min masang ahem ahiloleh imin ban ah ivak zik/ kawi cha hih hun tawk ah ngai mai in…..Phung leh chang chawisan sangin nam chawisan hih khantouna hihzawlo ding maw ? Mizat sazat bawn kiphalo ah, phung leh chang ah kibung khen hih chawlsan/ haisan guachiat hitiu e.
Chun hun ala liam tasa tichuh, 1994 kum ah VNO ( Tu ah VPC) General Assembly Pengjang khua, ala nei hun ua thupukna( resolution) 4na dungzui ah phung orgn./assn. ala suktawp tak uh kha, nam kipumkhatna hawipen ahi ban in zia thupukna kha phungtin in hemil mailo in chiapi zing thei leu hen, i nam dawpsan theina leh khantouna dingin…..Phung leh chang hina kipumkhat sang in nam khat hina kipumkhat phazawlo ding a hem……..?
👨👩👧👦👩👩👦👩👩👧👨👩👧👧
