PHAILEI LEH TANG-GAM A MAT DIDAN TAK IN KI MANG THEILE CHANGKANG NA A HI ZAW MAI DIAM:
-KL Muana Khaute
Pathian in Zo-suante te hi ki Ning ting tak in gam leh gua ei pia,ipu leh pau teu le aki pak un,aki lungsiat un,nek leh chak in a ki Ning ting un,kuama Thai leh thilsiam a ngaina diak puau ah, a damkum teu le a sawt ua lim leh ki pak in athil chin teu lawting in kumsin ‘KUT’ amang sek un Siamtu a chawi-an zing sek ui.
Khawvel khanto ziak a hi mai ta diam? kum 50 vel Liam ta apat gam leh lei I matchak dan uh aki dang lam ma ma ta mai a, achang leh i khantonau hi ikiak niam na ding uh leh Kawl le Vai Khutsuak a sal itan na diu a hi Mai diam aw ka ti hun a tam hi.
I Phailei Bu le Bal leh a dang dang I lakna teu la In mun ki suak sak zota,nek leh chak di la ki-chîng thei ta lo,kawl leh vai Anchang leh I mamaw zosia la amau apat chawk ngai ta,bang a hem! bandh or block a um leh rate sang taka chawk ngai zing ta mai hi, mi suak a lutna chikhat himai lo di a hem? Kati sek hi.zia haw sang a chun Igam a pat Thai piang te a pat iki todel lo chun ki let sak gaw leu hing le mi khut a tang chu ihi phawt ta a hi.Ei gam a piang lo lak lut chu khantona chikhat a hia,thil bangkim michung a ki ngak hi nuai nunna ahi Mai diam? ka ti a hi.
Chun,Thingtang a I thingpha leh gûn,Manou, Hual,Tatpông leh a dang te enla ki mang zolo Migam ah, I zuak a en thing dawl- ucham mai mai in isuang a ilung uh chu a kim na diam? tivang! ka he puai.
I Gama luitui hawi tak tak Tuitha lui,Tuivai,Tuipi lui leh a dang dang te hin Electric leh nisin I dawn di ei pe zo ma ma hi ngal ah, amat didan helo ihiu em a hilo leh Tuitha lui Khuga Dam a tui ki dil te khun Sanga/Fish ,water supply, buh leh anche chîn na ding ei pejo ma ma le ki lawm ah, phachuam kham ding a imat thei lo uh hi lunggel thak nei phalo ding a hem ti hun ka nei hi.
I Phailei teu la Bu chin na sanga In mun a ki mang zodi hi ta,kum 50 chia nalai Phailei mun zosia In mun a hung dim ta ding a hi leh I nek leh chak diu khawi tak a la ta di kawl leh vai te a ma ki-nga mai ding chu Gam- mani kivaihawmna chu hung nei ta leu hing le a sung a nek leh chak di umlo di chu khutdaw sa gam chu I vaihawm zo na diam? zia bep chu Hilo khuga Dam inei sûn uh chu hung chim ta leh In bang zat asu sia diam!,mi bangzat i bei diam? Tui hi bawn nga ( fish) mat na leh tui kai neucha imu hi tawh aki liluang na diam?
Tanggam zosia la thing leh gua um ta lo mai tial tual gua leh tui kiak dan la dang,Hui nundan ,avat leh asat dan le gengual lo a ki sang ta,mihiam te a ding a le dam thei lam haksatna tam deu deu, Pathian thilsiam zu leh va,sa leh nga la vang deu deu zo-gam pakhawi leh gimawi te la a ni ni kiam hul hul ziang ta. maban kum tamtak dam nalai te khankhua di I ngaitua leh lungkhawm um din ka gel hi.
Awle,abang chu hi ta leh zo-suan te Lalpan ima ei puijel in,gamtum le nei di ihiu ah, zia hun phat chule khawi tak hi Airport a imat diu a hi tadiam jia bep lo nek leh dawn leh mihiam a ding ki todel na gam I nei na lai diam uh, ti hi lung gel thei lemguat a nei chu pha ma ma ding in ka ngai tua hi.
Pathian namtel te ihiu ah,imakhua diu hi Pathian in ei ngaitua piak ngei ding a hi.Amabo,eimau ngei in imakhua diu ngaitua hi kisinzing pum ah, zia Zogam chu bukim tak zun thei ngal ding ipilna,ilem hiatna leh thiam nau mang in hinkhua mang pan tai tiu, Zomi leh Zogam vulzing ta hen.