*PATHIAN THUPIAK THANUAM LEH DIKTAK A SEP DING AHI*
*GL Muana Neitham*
*Lalpa ‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi* ISAI 29:13
*PATHIAN chu PATHIAN ahi, Thuneina sangpen nei,Chau le basam ngailo, sum leh pai a buailo ahi. Pathian Bible a Pathian ading in haksatna, bawltheilo a neilo ahi. Missionaries lakh 10 val te kum sawm sepna sangin second khat inle Pathian in a sem lopi zaw thei ahi*
*Pathian chu Nang leh kei panglo a thasia ding leh buai ding chu ahi pua him him hi. Lungsiatna leh hepina dim Pathian chu ama Hepina pawmlo leh ama kihetlo sak teitei te chung a LUNGNA takin thutan khum in,gawtna pe ding ahi*
*Tulai sum hawl leh khawvel nawpsakna ding dawi a thugen a tai velvel, Missionary kiti, evangelist kiti leh pastors kiti ten kipakna, damna, hiselna leh hausakna GOSPEL a buaipi gamta ahiu hi*
*Gospel diktak chu leisiat mihingte sualna dim, Pathian mu a tinglo, buak leh kidak um mama,mihingte apat Pathian lopina um talo, zia laitak a chun Pathian tawh kizawpna neithei nading umsun chu Nang leh kei tan dawkna ding a chapa JESU thuakna huaisia pen thuak sak a um bep ah chun Hukdamna a um a, zia hukdamna nâ sem zo a, lopitak ah thina thaan apat thokitta JESU a chun sual a puk tasáte ading in Pathian cha hitheina ding ah lampi, thutak leh hinna chu a um hi. zia khel a chun hukdam lamp dang umlo ahi. Zia Messiah chu Pawmlo a, Jesu nawlte chun Pathian lungnatna huaisia tak thuak ding ahiu. Zia chu ahi Gospel kipak um chu*
*Hepina a um chun thutan khumna le um ahi*
*Gospel chu kipakna, lim a kichop chopna ahi puai. Gospel chu gitlo, sual hi kihetna hi ahi. Mani lunggeel, lungngai ziak leh phur ziak a khaw helo a lam lam leh umchan kidang taka suk awn to awn leh mani lopina ding a, cosmetic leh kicheina hoi theipen te mang a, thugen athiam theipen ah gen ut zing..mite bil a lut nop lam, mite ngainop chi gen a tai velvel, kichom vel vel te tawh Bible Gospel hi aki tuaklo ahi*
*A thiangtho mama, Pathian mu a kidak um ihi dan kihiat a, ki ngainiam tak a, Pathian mai hawl ah, alunglam bawl leh A thupiakte zawp ding chu GOSPEL dik tak, Gospel thupna dik tak chu ahi. Zia chu hepina, Pathian apat hepina Gospel chu ahi*
*Bible ah kigen Pathian neilo, mani phasak dan dan ah Pathian min gen gen ziang atam ta mama ahi. Mi damsak thei, mi mek dam thei, pauchap dam thei tibang hung tam deu deu ding ahi.Bible sim zing leh pauchap zing lehin Pathian in pilna, atak alem hettheina leh hekhen theina ei pe ding ahi*
*Pathian Thiampu kiti hinla a lem, ziltiltu lem, Bible Pathian thu apat changkhat changni mani dawi dan dan a heikawi in, mani tup leh ngimte suk piting nading a mang leh chiapi pawl Pathian het phaklo milem, sil-al belam vum a kithuam tam deu deu ding ahi*
*Group leh ki lawi khawmna pawl chuam chuam te apat in le in, setan in pan nasa takin ala zing ahi. Lalna ding hawl in setan in khawvel ahin na asem zing ahi* *Zia te haw pat in suk buai a i umlona ding in, thagau lam gal sat zing ihiu hi.Pathian ei zilsakna kilakna bukim Bible sim hi gingtuten pan nasa takin lak zing ding ahi*
*Sual leh thepna setan apat chu do zo ding in Pathian in hatna, pilna, hetthiamna ei pe zing ding ahi, ama dong in, Pathian ma bel phawt phawt leng*
*NANG ah Kua a LALPE’N em?*
*Pathian mi kisa, sum hawl hawlna mang, Kochuam mite thagaulam damna ding sang a thawlom pung ding dawi zaw, zakhat a sawm (Khenkhat in sawm ah khat atiu hi) piak ding thu bep buaipi te kipat in chingthei in kiveng hitiu.*
*Nang piangthaklo sawm a khat leh thawlom kha Pathian in ahung phut puan, gitlo kisik a, ama bep ging a,Jesu la lalpen, la hukdampa ahi ti la pawm ngai ahi. Tichun Thagau a pianthakna neite ading chun van go mantam tak CHA hina, Pathian go luatu ahitau in. Zia Hukdam chate chun Pathian gam kek let zelna ding in kipak takin anei, ago teu kiphal takin ape sek un ahi. Kipak tak a Lalpa gam KEKLET zelna ding le, a kochuam te ki etkawlna ding a pe te chu PATHIAN kipakna ahi* *Naw hat leh force ahem, dan bawl kawm a Pathian ading a sum dawl le sum thu gen gen a, kiphut bawl lo ding ahi*
*Mi zosia’n phal lo sa sa’n pawngchangsan ah piak ding ah ngai ah pia hilo in, lunggil ah a tup gual un pechiat uh hen; kipak tak ah pete chu Pathian in a kipakpi hi*
2 KORINTH 9:7
*Pathian nasem kiti te hi, amau gilpi ding sem atam zaw ahiu. Pathian thupiak zui dingte ihi zawh uh ahi. Pathian thu awi a, Pathian thupiak zuite chu sawlhat leh sum leh pai ziak hilo in, Pathian apat kona kichian nei a asep ding uh ahi*
*🛐Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a. Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un. La lungkhamnau zosia ama chung ah septhau in, ama’n la khan khua ding uh a gêl nai. Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi. La suapiu khawvel ah umte zosia chung ah zia gual thoknate chu a tung hi ti hia’n, gingdet tak ah um in, ama chu do un. Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi. Ama kiang in thilhitheina kumtuang in um ta hen. Amen*
1 PETER 5:5-11
*Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi*
JAKOB 1:26
*You younger men, likewise, be subject to your elders; and all of you, clothe yourselves with humility toward one another, for G od is opposed to the proud , but gives grace to the humble . Therefore humble yourselves under the mighty hand of God, that He may exalt you at the proper time, Be of sober spirit, be on the alert. Your adversary, the devil, prowls around like a roaring lion, seeking someone to devour. But resist him, firm in your faith, knowing that the same experiences of suffering are being accomplished by your brethren who are in the world. After you have suffered for a little while, the God of all grace, who called you to His eternal glory in Christ, will Himself perfect, confirm, strengthen and establish you. To Him be dominion forever and ever. Amen*
1 Peter 5:5-6, 8-11 NASB1995
*☦️THY KINGDOM COME☦️*