PATHIAN A ZAWNA
Pathian ah piang tapo in khawvel hi a nuaisia( khawvel thilte chu )sek ngal in. Chun, khawvel nuaisia ah zawna chu zia hi ahi: I ginnau hi
1 JOHAN 5:4
For everyone who has been born of God overcomes the world. And this is the victory that has overcome the world— our faith
1 John 5:4 ESV
Khristiante ding a chun zia khawvel leisiat mihiamte ki chaw lumlet dan leh khawsak dante hihenla gam vaihawm tute leh milip lunggel,chiapi leh phasak zosia te hin a gin pau leh a biak uh Khrista Jesu kal leh do zing ahiu ti ahemil ngaipuau hi Apostle John leh Nungzuiten’ vang Jesun’ a Thi ma leh Thi Nung ah a thuhilte kha a hezing un ahi. Khawvel ahin haksatna chi chuam chuam te musit-eng bawlnate leh huatna- donate tampi maitua in leh thuakzo ua, KHRISTA a GINNAU det, suangpi dettak gual chu setan leh a nungzuite chaw Ling lumlet thei ding gual ahilo ahi. Khawvel leh asung a umte pawmtak leh kipakna, chawihoina leh pachakna thîl in a hing tapuau in ahi. A kipak nau a chuam a, a thîl uh a chuam ah, anei uh le a chuam ahi.Mithiangtho khualzin ahi lam uh aki hezing un ahi. A Hukdampa’u Jesu Khrista ading achun ahing zaw zing un, Jesu Thupiak te chu amau ding in nawngkaina leh puakgik hitalo in, a hinau chawmtu ahi tak ziak in,a hin in a hinpi zaw tau ahi
Khawvel thilte leh Setan khut nuai a salting zingte, Vanlam thilte leh Pathian apat chitna leh mitvakna neilote,zia leisiat dan leh dun leh chiadan te nawpsa mama,hing a khawsa,khawvel pak zu chawp zingte TAW kituak tak a khawsa, hing leh hinkhua mang ka hi chun KA GINNA LEH HUKDAMNA chu PATHIAN a kipat ahi puai ti aki chian mai hi
Setan khutnuai a um, setan suak ah saltang zing hi ngal, kelchal belam vun a kithuam, kamthiam a Pathian thu kiselna mang, setan lalgam a ding ginum tak a hinkhua mang Belampu kiti, belampu atam mama hi
Pathian thudik tak, Bible zilsakna gual a kochuamte zilsaklo leh kem tuplo, kamthiam a mite maipha hawl mai mai setan matchak lawi upa kiti ve ut, lawi upa lem atam mama hi…zia gual loi apat chun KHRISTA CHANCHINPHA leh PATHIAN THU tawh kituak Pathian pawmtak THIANGTHONA leh DIKNA um ngailo him him ding ahi.
Ka ki ngakna kua ahi em? Kua Nungzui ka hi em? Ka kipakna leh ka limnate hi bang ahem? ti ki ngaitua thak zing ding ahi.
Lalpa Pathian, adik tak leh a Thiangtho pawmtak a hing leh PATHIAN kai huaina zal a athu piak te zui zo a…zia khawvel mite phasak leh chawndan a hing talo le ki subuak talo a…KRISTA ading a sepai pha,Khrista ading suak ginum,KHRISTA ading a GAL ZOTU…*Suak pha gin um la semphai ti kal ngak zing a, khawvel a khuasa zing HINLA khawvel a hitalo PATHIAN Thiampu pha, thiangtho leh ginum hi ding in a NEIPA PA PATHIAN KIANGIN DAWN HITIU…AMEN
@GL Muana
☦️KHRISTA LALPEN SEPAI☦️.
Pathian bel leh Ama ngak zo ham ham ding in i Pauchap chap sek ding ahi. Pathian bel zing a, Ama ngak zo ham ham techu mi vangpha pen ahiu hi. Khawvel ahin suang ding vang tampi um in ah hinla zia ho zosia chu mangthai ziang ding kumtuang dai a umpuai. Miten vang hausatna, uh leh nau, sakawl le sakawl kangtalai te suang maleu ei GINGTUTEn vang Lalpa Pathian bep chu I suang ding uh ahi. Khawvel thilte vang Pathian ma bangmalo mai ahi….
INSUNG leh mani mimal a haksatna, damlona leh buaina chuam chuam ituak lai in le PATHIAN ma bel ham ham leng bel khiallo ding ihi….
Mite et in bangma hilo in, musit leh dem kai leng le PATHIAN in ama Gingtute ahechian mama in, sawm dol zing ding ahi…..Jesu I nei chun kipak hitiu Unau! Pathian chate ihi chun lim hitiu Khawvel go zosia sang a lul leh mantam zaw ahi….
Lalpa‘n lungthim ah kisik ngawi ngawite chu a nai sek in, kinepna neilote chu a hukdok hi. Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi. A gu zosia a vop pha’n, pakhat chale khetbot hipua’n a. Thil phalo in migilote a that in, midik mudate chu thiamlo chang in au. Lalpa‘n a suakte hinna a tandok sek in, ama bêl taphot thiamlo chang pua’n au
SAM 34:18-22
Ka taksa leh thinlung chautha maleh; Pathian chu vang kumtuang ah, ka thinlung hi’hatpa leh, ka kumtuang gochan chu ahi. Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a. Kei â dingin vang, Pathian nai ah um hi a pha ahi; Lalpa Pathian chu kihumbitna’n ka mang hi, la thilbawl zosia chu ka gensawn theina dingin
SAM 73:26-28
Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n
ISAI 33:2
Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen. La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in
JOHAN 14:27-28
