Nisin Thuhiltu leh YVA General Headquarters, Presidential Candidate holimna
April 2, 2022 leh Young Vaiphei Association (YVA) GHQs Presidential Election 2022 umna ding ah Presidential candidate ding ah nomination file mi 4 te’n scrutiny a zaw tak dungzui un, Nisin Thuhiltu in candidate-te holimna a kineipi a, zia chu a nuai ah gual ahi.
Candidate min : Lallunkam @ Kampu Vaiphei
Pa min : (L) Lalkap
Address : Mata Village, Churachandpur
NT: Nisin Thuhiltu
Kampu : Lallunkam @ Kampu Vaiphei
NT: Chawmkim tak in nang leh nang la hung kigenchian thei diam?
Kampu: Kei ka hile, Mr. Lallunkam @ Kampu Vaiphei of Mata Village, tuchung YVA GHQs Presidential Candidate dite lak ah khat ka hi.
NT: Bang ziak ah YVA GHQs President hiding lunglut la hi em?
Kampu: YVA in a tup leh ngimte sep pitin ka nawp ziak ah President hiding lunglut ka hi.
NT: YVA GHQs President role hi nang mimal mudan leh ngaidan ah banggual ahi em?
Kampu: YVA GHQs hi namsung ah kikhawmna pakhat ahi ziak in, President in titakna tawh bangkim sep leh bawl leh phatchuamngaina thil in ma la masapen sek leh ti hi loi upa pakhat role ding ah poimaw pen hi’n ka ngai hi.
NT: YVA GHQs President khat in kituptak ah nasep thilbawlna a neitheina ding in bang poimaw pen in la gel em?
Kampu: GHQs apat thupawtte hi Block leh Unit tin in ngaikhawk ah sem piting zel zel leh….
NT: YVA GHQs kivaipuakna pha la sakpen leh pha la saklo siamphat ding ah la dawi pakhat gel la hung gen thei diam?
Kampu: Pha ka sak: YVA motto – ‘Liangvaite gualpha’
Phalo ka sak : GHQs Presidential Election ah Unit President leh V/President tiang bek in vote a neilo uhi.
NT: YVA GHQs in a chiapi ding ah la dawi, promote la bawl nuam bang a um em? Promote bawl ding hile chun, banggual in la seppite promote la bawlpi diam?
Kampu: Promote nawp umte: a) punctuality b) GHQ, Block leh Unit tinte activity zosia systematic leh transparency c) Financial accountability.
NT: La seppite banggual in la tilkho in, la suthatho zing diam?
Kampu: Amau lunglutna leh lungput dungzui zil ah Pawlpi thiltup guitunpi tei ding.
NT: La seppite active lo mama ahiloleh poor performance nei umta leh bang la law diam?
Kampu: Counselling leh encouragement masakdi.
NT: Mipi hotu/puitu hina dawl ah masang ah la experience haksa la sakpen bang ahi em?
Kampu: Constructive suggestion pelo ah destructive feedback hi khanmawna bulpi ahi.
NT: President hile chun nang term sung ah la sepdaw teitei ding thil pakhat la hung gen thei diam?
Kampu: YVA umna leh kivaihawmna zosia systematic leh transparency sakdi.