NGAITIAM UN…
I um danteu ki-enchian in, Lalpa lam ah kile’kit hitiu
KÂ LATE 3:40
Pathian mite chun Setan dawilam sualna te chu Pathian thutak in a do zing sek un ahi. Gitlona chu kimawk hetlo sak ziang puau in chuleh a tawsawtlo uh ahi. Pathian dona, sual nasep te chu sual ahi gual takin tangko pi ngam a poimaw in, zia gual ma chun Pathian Thutak chu, a thutak gual a tang kopi ngam a poimaw bawk ahi.
Khristian te chu ki hepitua leh diklona te ki ngaidam tua a khuasa a, ki lunggual tak ah hinkhua Pathian lopina ding a mang dingte ahiu hi
Sualna, Pathian doilo gualte sem leh bawlte tawh kituak tak a ngawngkawl bat khawm ding ahi puau hi. Thutak leh thuzuau, vak leh thim chuleh themtu setan leh Pathian in kizawpna anei pua ngal un ahi.
Apha, ahoi leh Thudik dawi gual a um hinla thuzuau leh diklo tak a hinkhua mang Khristian lem kitam mama ahi. Kawp thiamna hi Pathian in kidak um asa ahi. Mani mimal leh insung a sualna chuam chuam te ; nek guk chak guk leh gawlgukna te, diklo tak a sum hawlna te, nungak-tangval kal a tat sualnate, zawlsai nate haw semkha bawlkha i hi chun kisik in Lalpa lam i nai ding ahi.
Kochuam hing leh Pathian pomtak chu Pathian hing nei a, Pathian apat hepina ah ki hepitua te chu ahiu hi Tisa, khawvel dan gual a, kamthiam a kimawk pachak leh ki genphat haw vang zuau thu mai mai ahi. Kel leh Belam chu a neitu pan a he mama ahi. Kel belam gual a hinkhua lem mang Kochuam sung in a um tam mama ahi. Kel et kawl dan chuleh belam te kel apat a bittak a kaihuai dan le Pathian apat pilna dawt zing ding ahi
I cha i naute, i nu leh pate, i unaute leh I Kochuam mite haw hi belam diktak, Pathian a hinna dik tak anei nau em tihi ngaitua phat ding ahi Pathian apat hilo hepina, kituakna leh nasepna te zosia vang alem ahi ngal a maw!
Thangtawmna, lungnatna leh siatsona, hânsiatna tawh kigensiatna zosia chu haisan tau in, lungthim sia zosia tawh. Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in
EPHESA 4:31-32
Let all bitterness and wrath and anger and clamor and slander be put away from you, along with all malice. Be kind to one another, tenderhearted, forgiving one another, as God in Christ forgave you
Ephesians 4:31-32
☦️KHRISTA LALPE’N SEPAI ☦️