✝️NGAIDAMNA BUKIM🙏
Changtel: Luka 23:42.
Aziktu: Pu Ginlalthuam
Lalgin Inn
Mualngat Innpi
Khualzinna Gam
💝💖💗💓💘
✝️
Amasan simtute zosia ziltawpni pha(Good Friday) chibai uhle….🤝
Lalpa Pathian in mihingte ei ngaidamna hih bang gual tiangah gil leh thuk ahem ? Suizaw ding gual ahipuai, Lalpa Pathian ei ngaidamna bukim, kumtuang ah ngaidamna imu kik ding chuleh amatawh kichamna kumtuang ah kipakna ahi. Maleh mihingten ngaidam theilo bang inei sek un, zia chuh athiden pi bang ki um sek nalai ahi. Sazu, guu(poison) dawn ah thiding ngak gual mai in……..Ngaidamna hih Sapten, forgiveness atiu in. To forgive is the highest, most beautiful form of love in return, you will receive untold peace and happiness. Unforgiving is like drinking rat poison and then waiting the rat to die.
Bible ah Lalpa Pathian ngaidamna changta, suangkul apat thadawh hitamaleh ala hethiamlo, Barabas khan, zia ngaidamna bukim hih ala ngaisak lo ziakin vawiman in ala mangthai ta ahi. Chuleh Juda Iscariot khanle zia khawvel dangka sum ngainat takluat ziakin Jesu thisan ah ngaidamna bukim hingal in ala thipi ta ahi.
Tulai Christiante kingaitua thak kik hitiu e…..Judas Iscariot gual kitam taleh kilawm ei vei maw..!
1.Nisin ah ankuang sawkkhawmpite imelma ah pang um ahi(Ka vaithum nekpite kado gaal changta)
2.La taksan ma mate nangma hun zuaktun apang ziang thei…..
3.Sum leh pai, nei leh go ah du-amnate ziakin suapi sanggam athasia/ amuisia gamtai.
4. A gitlo kisik ahivangin alunggel leh ahindan kitheng theilo, zia gual mi chuleh aumlo ahi diak puai.
5.Khawvel ah thil um te thangai takluat ziakin, Lal Jesu tawh akhet den uh aveilam ah pa gual bang kitam tawk ahi tai.
Awle, atawpna dingin Lalpa Jesu tawh thing khros ah kikhen den a changlam ah pa zawk in, ” Jesu, la gam la tun phat le ei hezing ah aw”. A vak tihih, ahethiam na lawm lawm e maw…..Lalpa Pathian ngaidamna bukim chuh a chang chet mai ahi. Pathian ei ngaidamna hin tawp chin( limit) neilo, aneu alian umchuamlo,ngaidam zawlo le um diaklo, a gilo penle ngaidam thei( limitless forgiveness power and authority) nei ahi.
Lalpa Pathian in a chapa changkhat neisun, mihingte gitlo pawpa i Lalpa Jesu Khrista thisan zal ah ei ngaidam gual ahin ei maule kingaidam tua chiat hitiu aw.
Ziltawpni pha(Good Friday) matnuam chiat hitiu e.
✝️
