22nd Oct 2024 | Kanam Vaiphei
NAM LEH GAM DAMNA DINGA VAIPHEI NAMPI PAUCHAPKHAWMNA
Amun: Hill Town Presbyterian Church (TPCS)
Ani: October 22, 2024
A hun sung: 7.00 am to 12.00 noon
7.00 apat 7.40 am:
La sakkhawmna: Puitu Local Khanglaite Hunpatna lateel: “Ka galthuam pha ka kawih ngam puai”
Chibai bukna leh program genlatna: Rev. Dr. Kh. Khaizakham, Chairman, VNPC
Tuhun ah i dinmuh uh genlatna: Tv. Lianzalal Vaiphei, President, Zillai
7.40 apat 8.30 am: Puitu: Rev. S. Khaikhawlam, Secretary, VNPC Lateel khat sa khawm hitiu
Items:
* Kipum khat tak ah pauchap dinga i chiakhawm thei ziakun Pathian ei puitu kiangin kipak thu gen hitiu.
* Pathian kochuamte’n ila taksapnau leh i pan ding guala ila pan zaw lonau ziakin thupha chawi hitiu.
* I nam zia tiang ei la puitu Pathian kiangin kipak thu gen hitiu.
* Chanchinpha kawlhtu masa ah Pathian in ei la kawih ziakin kipak thu gen kawm in, Pathian dawigual ila
bawl zawlonau te ziakin thupha chawi hitiu.
8.30 apat 9.30 am: Puitu: Rev. D. Lulun Lateel: “Aw Pathian Nang ei pui ngai pa”
Items:
* Hun zia chan pi ah i nam ei la puitute ziakin kipak thu gen hitiu.
* Tu hun ah tunnau hih i he chiat tau a. Pathian bep ei panpi thei ahi ti hia in Ama ang sung in kipelut
thak kit hitiu.
* Tulai hun a dinga a um lo thei lo hi mai ta ah i nei uh i nam sepaite a dingin pauchap hitiu.
* Nam sepaite hih i gam bitna dinga pan a lak ua, ei lak ah buaina tun theinate a hung ven bitna dingun.
* Meitei tawh kidona bei nailo a, ei lak ah nam kal buaina a pian lona dingin pauchap hitiu.
9.30 apat 10.30 am: Puitu: Rev. B. Lala Lateel: “Ka ngak zing ui Vanlal Cha”
Items:
* Tuhun ni chawmcha sung ah i nam sung dinmun hung kitheng thut hih Pathian lo ngal ei suk navak piak
thei um lo a hi ziakin Pathian kiangin tun hitiu.
* Nam damna dinga Vaiphei Nampi Peace Commission te panlakna Pathian in ma a pui zingna dingin
pauchappi hitiu.
* Nam sung kituakna dinga ni dang sang ah nasa jaw diak a Pathian buan dingin Pathian kiangin kipe
thak kit hitiu.
* Social media ah kichotua zingna thu kisua sua haw hih a hung bei a, mitin chamna dawih chiat i hung
hiu a, i umna chiat ah chamna palai i hi chiat theina dingin pauchap hitiu.
10.30 apat 11.30 am Puitu: Rev. Khupkam Vaiphei (Lateel khat sakhawm hitiu)
Items:
* Hiat lo thei lo, tuhun ah i nam sung ah ngatna chuam chuam, kalsuan nawp dan chuam chuam, ngimna
chuam chuam um hin i nam a suksiat lo a, Pathian venbitna i chan theina dingun pauchap hitiu.
* Nam sung buaina hin kochuam ei suk khak lo a, gingtute’n i kinepnau Zion khawpi juan ah i chia zing lai
ua hin malam sawn ah i jawt jelna dingun pauchap hitiu.
* I buainau hin nam sung ah mite kimelmakna hilo a, ki lungsiatna a pun jawkna dingin pauchap hitiu.
* I nam sung buaina ah a lang a lang ah luchang nei gel a hiu a, Pathian lau leh ja tak ah lunggel a hung
neina dingun pauchappi hitiu.
* Eimau mun chiat ah zia pauchapna hih i sunzawm ua, Pathian in thil lamdang a hung bawl i mu masang
siau lungthuai lo ah i pan zingna dingun kilan thak chiat hitiu.
11.30 apat 12.00 noon Hun zawna lateel: “Lungngaina sumpi khel ah khin nang ka hung ko Lalpa”
Hun tawpna thucha leh hun khakna: Rev. Siama Phaltual, Secretary. VCA
Group photo leh Refreshment in zui intin, khat vei kikhen phawt ding hi tana.
