NAKHAWK THUSIM/TUAN THU
By- K L Muana Vaiphei
NAKHAWK vacha neucha English ah Trailorbird aki ti’n, ama hi’n thingdua ah bu a sia sek hi.
Bu asia nading ahin thinggui, chi chuamchuam a hawlkhawm in a muk in a khuikhawm in a zemmat tuana ding leh a buk chu a lumna ding leh huisia a lutlona ding in patchawn-pakvui a khuikhawm sek in buk hawitak a siam in tui (egg) a than, nou a chawm piting sek hi.
Ipi leh Pu teu thugosia leh nu leh pate’n I neu lai ua pat ei thuhilnau chu isang a lianzaw-upate za (respect) ding I nu -leh-pa te za’ding tihi ki thuhilna imat sek uh himaleh zui theilo hunkhawp i um ziak un inchen lochen beplo, khan phalo tam um ihi mai diam ka ti chang a tam mama hi.
Tichun, atui lai apat a pin a awpkhum a, a pitin tiang apin achawm piting sek hi ahinla, a hung pitin phat tak leh a pi a ne sek hi atiu. Zia gual achun mihiam khenkhat te hi le anu apan phatak in a hun chawm piting ua ahun pitin phet ua leh nu leh pa ngaisak lou a sugenthei itam ma ma tau.
Zia NAKHAWK chanchin a pat ahin zillai hunkhawp mudaw thei a um a, ahun lai pet a kisiam pitina, tuisik apat eila chawm piting te thasiat na ding leh lungkham na tut tu hilou ding a ki et thak ahi lou chun I suan ipak kal suan lampi ahin ei su changma thei ding tam tak um ahi dan hiat leh muthei ahi.
Khristian sakhua ilut or i um masang ziang ua le Pusa pasa ( Pugau Pagau) hou leh bia te ihiu a, athinung tiang un le athase te vangsiatna leh malzawl na bawl thei ahiu ala tiu a Pu gau pa gau ila hosek ui amavang, khristian ihung hi nung jia haw zosia chu inusiau ah (primitive, superstitious) iti nau a , i lungthim leh ngaitua nan tuni tiang in a mang thei nai diak puai. A bang chu hitaleh khristian Pathian hing leh thiangtho ho leh bia te himah leu hing ikhang chawn dan leh zui dan ki hetlou sak guat hamham chula lungthim a hemil thei diak lou chu mani ki tui sa buak gual thou ahi.
Khristian sakhua I pawm leh I jui uh leh lei leh van siam tu Pathian hing inei uhi eima nam or insung dan sumang thai dinga hung ahi puan sukbukim dinga hung zaw ahi jiak in , i chawn leh Khan teu hi khrista chanchin pha tawh ki tuak tak a zui di ahi
Zia chung a kigen NAKHAWK in a nou a chawm piting a,a pi anek jiang gual a ipian na nu leh pa te duat sawngbawl dan thiam tak bawl leu hing lei a ihin in Malsawm na dawng in,thinung tiang in le limleh kipak tak in siam thu kiang in ngun leh kham lual a chun Angel vam te Lalpa kiang achun limtawp umlo in lengkhawm tai tiu Halleluia Amen.