🏹 MYANMAR( BURMA) GAAL ZAMTE🔫
Aziktu: Pu Ginlalthuam
Lalgin Inn
Mualngat Innpi
Khualzinna Gam
⚔️🗡️🔪🪓🧨⚔️
Myanmar(Burma) buaina ziak ah unau gaalzamte hih Manipur (India) adin idogaal uh ahiu em ? Hilo e, laigui khaukhat kizawm, suapi u leh nau ihiu. Ahileh, pumkhat sakhat ihinau imat sua mai uh ahi tam ? Hi..naisailo e, North East India leh Myanmar(Burma) acheng thingtangmite hih nukhat hin, suapi u leh nau ihiu in, ikipumkhat nau hih mawk ah tawp ziangtheilo; thakhat, sakhat ihiu hi.( Inhabitants of NE. India & Myanmar(Burma) tribals are the offsprings of the same mother we are brothers & sisters, let’s never lost our unity we are one)
KHUL apat hung kipan Chin, Kuki, Mizo, Zomi leh Hmar nam te hih Country chuam2 ah khawsa himaleu hin uh, thisan khat ihinau hih amangthai thei lo him him ahi. Haksat, genthei, lungzin, beidawn, thina,manna chuleh gaal leh tual in ei nawkhum ziang sek maleh gikpuak kidawn tua ah kipanpi tua zing ding ah suapi u leh nau ihiu hi.
British te vaihawmna nuai ah Country chuam2 in eila khen tamaleh sungkhat, lai gil ah piangkhawmte ihiu hi.
Myanmar(Burma)te Deplomat minthang Pu Vumkhohau Ambassador Profiles of the Frontierman kiti lekhabu ziktu khale ei Vaiphei ( Suantakpa) ahi.
Ahileh, la suapi lungdawng , genthei sukna ding hetalo, la innlum in hung tailut taleh, la nungsawl kik mai ding ahem ?
Zia thu ahin Mizoram MNF Govt. panlak dan hih…..a hung gaalzamte zosia phatak ah etkawl ding tin Govt. chuleh Civil Society te pan lak dan hin Christiante nunchan ding him chuh ahin, a ettawn tak khawp mai hi.
Chun, Myanmar(Burma) gaalzam te panpina ding ah Special Secretary Home, Govt. of Manipur in thusua abawl hih kipakpi um tak, ei thingtangmite Ethnic Family human rigths kisiam phat zawkna dingin ka gel in, ikipakna alian ahi, ei Manipur Govt. inle hun hethiam in khangtam tak ala chiata…..1709-1716 hunlai ah( Lengte khang) tichuh Maharaj Marjit Singh, lengding ala kichuu nau in Myanmar(Burmate) kiangah panpina dawn in, zupuidawk ah zia chuh Anglo Manipur war ala bawlpi uh kha ei Manipur inle hemil zianglo in tulai tak, Myanmar(Burma) buaina gaaltai te panpina piak atum hih ahi. Thil kipak um tak in kangai in Myanmar(Burma) i unauteu tawh thisan khat ihinau hih Country chuam ziak ahem…..ahilole political party ziak ahem in ei khen kihenla, nukhat hin ihiu nau suklatna ding hung hithei leh tihih ikih nepnau khat chuh ahi.
Sepai leh Sepai TATMADAW kiti kikaptua hih ahi dimawng ahinai himaleh tulai tak Myanmar buaina hih sepai( gaaldomiten) democracy dawilona ziak ah, khuahephalo, mipi nautang chung ah hiamngam tak ah mitha, mimat, mi asuk genthei nau hih vawuzangnat um tak khat chuh ahi.
Bible in….” La pau in mi a lungsiat gual in nang unle mi lungsiat un.” Luka 6:36.(“Be merciful, just as your Father is merciful”.)
Awle, achaina dingin i suapi genthei leh liangvaite lungsiatna tawh muak dingin aw……..!
