MUALNGAT VILLAGE, THE LAND OF “SIZO CHANGAL ME”. SATTU:(L) PU LALGIN
💖(1893-1972)💘
FOUNDER OF MUALNGAT VILLAGE CODE NO. 83. KANGVAI SUB-DIVN. CCPUR DIST. MANIPUR STATE.
ESTABLISHED IN 1927 THAKAU/ MARCH.
💖💘💝💓
Aziktu: Pu Ginlalthuam
“Lalgin Inn”
Mualngat Innpi
Khualzinna Gam
Lalpa ah ahi
PO/PS Moirang- 795133.
Bible changtel: Ezekiel 37:27. “My dwelling place will be with them; I will be their God, and they will be my people”.
With the God Almighty’s
Protection and guidance, Mualngat Village, land of pilgrimage has reach its 94 years completed since establishment on March in the year of the LORD’S favour 1927.
” ONE GENERATION PASSES AWAY, AND ANOTHER GENERATION COMES, BUT THE EARTH ABIDES FOREVER”. Ecct. 1:4.
Lalpa Pathian venbitna leh umpina zal in khaw leh tui, govt. hiatpina(recognised)tawh khang 3 (thum)na tiang ei langkai ah eipuitu Lalpa Pathian min pakzing hitiu e.
Lunglai gil ah milni him um theitalo; pham ala changta, (L) Pu. Lalgin leh a khawsat/ siampite:
1. (L) Pu. Thanghem Lhungdim MC, Nengtinpa, Molnom Hausapu.
2.(L)Pu Konkhojang Haokip.
3.(L)Pu Lengzam Haokip,
4. (L)Pu Tawngtinkhai Thangvung,Tingnupa, Leisang Hausapu,
5.(L) Pu Henkhojam Kipgen, Khengjang Hausapu,
6.(L)Pu Henkhothang Kipgen,
7.(L)Pu Tawngdam Kapsel, Thangkhanpaupa(Sialiapte bulpi/ upa).
Amau sia hih khua eila sat/ siampitute i hiatthei tiang uh chuh ahiu ah, hiat khial aum tak in kingaithiam tua in siamthak thei hinna.Khangsawn,khangsawn tiang ah hiatmilni um thei talo, khawsatpite chuh ahiu. Chuleh Maite, pi leh pute khua apat ah nuacha ga, genthei haksatna te tawh hung seilian(Anu tawh meithai) Pu Lalgin, anaupa Pastor Khaivung, Kangvai khua(1925) kum ah mission nasepna pat ah hung kichawn lut in, anau Kangvai khua ah um den in, aman le anau tawh kinaicha, huvau kihepha(5km) divel ah kigamla, Mualngat khua chuh agualte tawh ala sat in ahun siam ta ahi.
Chun khaw min hung piandan ahileh Phai- Gelmual khua pansa, khawsiam ala hi ziakun P.Gelmual= Mualngat alasak uh ahi.
Chuleh Mualngat khua apat khawsiam/ khawsat, meisellate ahiu le:
1. Molnom Lhungdimpa(Thanghem)
2. Khengjang Kipgenpa(Henkhojam) Koite khuan hun chawmkhat kichawl malam hi.
3. Leisang Thangvungpa(Tawngtinkhai)
4.S Bualjang Liapvungpa( Pauthuap chuleh anauteni Sawnggin leh Khamkai) amau khua sia ahiu.
Awle, Lalpa ni, tha leh kumte hungkihei touzel in Thakau/ March 2021 kum chuh itungtou tau ah; pi pu, nu leh pate khang in zamualpi eila liamsan tamaleu, tu adamsun te inncheng, khawcheng thei liai liai ah Pathian in imalam uh ei pui piak zing henla; dam ah kum 2027 phat tak sawleh kum 100 tingthei tading ah Puitu Lalpa Pathian chuleh khaw leh tui eila siam piak tute zosia chungin kipakna sang tak, lunglai gilpen in ipiau in i chawi hawi uh ahi. Zia chuh tawh kitawn in khawmipite kiang ah gennawp khenkhat:
1.Kum 100 tingvang ta ihiu tawh kitawn in, khawsung ah khangthak(Zillai) tawmcha, i nei sun teu cha hih 100% lekha thiam hisak guachiat hitiu aw….!
2.Innkiang kimvel leh khawlai sukthian zing ding.
3.Inntin, tichuh, innmin phuak chiat ah kawtbul a takdawh chiat di.
4.Khawsung ah thingno,theino leh pakcha haphuh ah phuh ding.
5.Diktatna kawtbul ah tawden mailo in, khawsung in chenpi/chiapi zing hitiu.
6.Pathian he khua hizing thei ding in, ti tawh…
7.Paten modelpa, nuten modelnu leh chaten modelcha hisak guachiat leu hin, khuaneu cha hiziang maleleh kilung gual tak ah khawcheng leh inncheng ihi phawt uh chun kawngkhat bekcha hih mi kipha na loding ahem ?
I khua MUALNGAT hih khua neucha,mite gelphak leh hiatphak hikhello in, daikilkal ah khaw musit umtak hiziang maleh mw………! Mite kitawmkhum,mite luchang thinkhum leh mite musitna idawn nateu hih……! Lalpa Pathian malzawlna idawnna ding uh ahithei, ahi tih hih hemillo hial hitiu e. Innsung khawsung in kingaih niamna lungthim phatak hih puh zing phawt leu hin, Lalpa Pathian in a hun takin aman ei hun dawmsang ding ahi. Mimbang ipianna, imawmna leh iseiletna thingtang khua neuchah, pu leh pate apat HEPINA khau ala khidet sau, ei uh tu ah khangthak ten tudet zing hitiu aw….. I lawm, i gual leh ngaichengte tawh i bualnau chuleh pi pu, nu leh paten haksa takmai ah ala siam/sat uh…… I vangkhuazawl, siktui dam didiai cha luanna, limthing, huithi hanghiu heu in, zu leh vaten le khenna thimthu lel lo ah, zailaa awi in, naubang ah kipawm zing gual un, ei uh achengtute, chaga genthei, liangvai tak in khawsa hih ziang maleu hin uhle; Lalpa’n ei umpi zing intin…..Chawl adam kik sek.
Aw….khawmipite, lung kigual6 takin Lalpa Pathian khut hattak nuai ah kikawi niam in, khangzel ah khawsa tou zel thei dingin malai pi puten khangnuam tak….. Tichuh innsak, innthang kilainattua in, sa leh nga, anche lohing (me) kikhawl tua in, lawmzu, lawmsate nen kum kiheilam lam le hephalo ah khawsung ah kihothei tak ah ala khawsakna teu haw kha malai chansak mai ding ihitau em ? Malai chang dingin kaphal theihim him paw e…..Pi pu, nu leh pate khangmasa ten bawn ala chiapi zing uhle; tu ah ei uh Pathian awi khang ahinle KIPUMKHATNA suthak kik2 in i thingtang khuaneu cha ah hin vul sak kik theilo ding ihi tau em ? Vul sak kik ka nuamna lawm lawm e.
” AMAU LAKIN CHENG INGKA TIN, A PATHIAN UH HING KATIN,AMAU CHUH KA MITE HITANNAU”💝Ezekiel 37:27.
Lalpa Pathian in amipite, a khua leh tui, adingin tu leh kumtuang tiangin ei malzawl piak chiat ta hen.
🙏 AMEN 🙏
