MIHIAM TE LUL NA LEH BANGMA A HUNG HI LONA
Pakcha hi le a pak lut lai a chun mihing ten le etlawm a sau a,khawvel achei mawi in khawvel melhawina a sulang in, zu leh va te’n a pak lut nau chen in, Sa leh Nga ten Cha leh te chawp na’n amang un suan leh pak hing in khawvel nun chen in siam tu Pathiam lopina a apho lang mai bep uh hilo in mihing te le asukipak un, hinkhua nuam eimat sak khawlaw un i limpi ma ma ui. Ahinla, apak lut na ahun chuai phat leh ahawi na josia tang chung a geuchik gual mai ahung hin, bang malo gual in mihing te’n jia geuchik chu ahaltum mai sek ui.
Zia gual bawk achun mihing ten i sep leh abawl ding Pathian in eipiak te i seplou phat uh le Suangpi matnading bei gual in Tangchung a geuchik mai gual in nutsia leh haltum in ium mai khak diu a lau um hi. Zia gual din mun a ding ihi jiakun Pathian in isep di leh ijui ding ei piak te hi ginum leh ginna tawh det tak a ijui lo chun bang ma lou mai Isuak thei hi.I jui di leh sep di ei guat piak te gin um tak a I jui chun a ma kipak na leh atiam kumtuang gam achun lut ngei ding ihiu, zia bep chu hilo, khawvel a ilen sung ngei unle gam nuam tak a khawsa leh ama chawi hawi a Zion la lim leh kipak tak a sa ngei di ihiu.
Pathian dawi gual leh Ama lungtup dawidan ah na isep lou chun zia khawvel ahin Nam lianjawte khutnuai ah suak leh sal in um itiu in, Siamtu Pathian chawihawi zawk sang in tang chung a Sakhi tuidu leh dang chak aham ngawi ngawi gual in um ding ihiu, zia jiak a chun Pathian lung lam hawl in kithoina thiangtho Pathian pawmtak taw ma kiang juan in saidip puan sil in a keng bul a khiangkho ah ngaidam dawn in ki tulut thak hitiu, jia ti lo chu khawvel a suachak na ding lampi aum ta puai.
Zia ziak ah chun,Mihing te lul na leh pawimaw na gel dawk thak in Lalpa kiang juan kit tai tiu, zia tilo chu lampi dang a um ta puai. Awle,Unaute igitlo na teu leh ichapo nateu nusia in Lalpa kiang lam juan hitiu in, jia chun kumtuang damna aum hi. Zia lampi chu jui kit ding in Lalpan hun sin in ei ko jing hi. Zia mun chu itun phat uh le Pathian in kipak tak in ei lawp lut in tin zia chun lim tawp um ta lou in ama kiang in chawl damtai tiu.