LEGENDARY SINGER, SONGWRITER, MUSICIAN
REV. S KHAMBUANG VAIPHEI
Dk Lian Vaiphei
Pastor S Khambuang Vaiphei helo um khel ding in gingchak a um puai. Amel mu nailo te’n le zia hin ala hechian thei tai tiu.
Pastor Khambuang hi khanglai ahi lai in le nam ngaina, kochuam ah kimang leh Pathian la tamtak sadawk leh phuakdawk ala hi. Ala sak tamtak te YOUTUBE inle ngaithei zing ahi.
1990’s HITS VAIPHEI ALBUM tamtak ah pan alak ban in ama single album le hunkhawp ala siam dawk hi. Ama hi Henglep Constituency sung ah um, Tronglaobi sak ah ah MUALNGAT khua apat ahia, tuhin GOUCHINGKHUP VENG in azi leh chate tawh a khawasau hi.
Pastor Khambuang ettawn tak na mama khat chu, a chate nungak leh tangval um ziang ta maleu le tu tuang ahin Music lam leh la lam ah a thanawpna bei nailo in ama inmun in HOME STUDIO te bawl in thei dan dan in pan ala zing hi.
Vaiphei Artistes’ Association (VAA) ading ah le khuam poimaw, PRESIDENT, SECRETARY tite panmun chuan chuam ala tu khat ahi. Vaiphei Artistes’ Association pawlpi hung din til lai ah le mi phachuam leh pan nasa tak ah ala la khat ahi.
Tuhin kochuam lam ah mawpuakna a nei ziak in dawigual in pan la theilo maleh khangthak tam tak ten ama apat zillai lak thei zosia la ding in iki dawisak ui.
Pathian in ama leh a insung mite zosian mapui in umpi zing tahen.
FROM ADMINISTRATOR DESK
VC- Corner
HUNG VAK ZIANG TAN – PASTOR S KHAMBUANG👇👇👇👇
