LAWTINNA GASUA/ HUITUNG
By: KL Muana
Thilsiam/ mihiam zosia lawtinna kawng bangkim ah lawtinna, GASUA, mualsua, lawtinna neu khat bep mu kinem in ei ma mimal theina chiat in lawtin I gua, septhei, bawlthei, zilthei leh malsawmna di ta phawt chan theina ding kinepna dettak pum in pan I la chiat hi. Ahinla, khenkhatte zulzauna ahem ahiloleh mihiam hina titlona ziak ahem ziak in lawtinna kipak um chang leh lawdawk zolo le I um gel gel hi. Ahinla, a lawtingte hihenla ala lawsam te le siamtu’n ama ki todel theina di lampi a guan piak tho hi. Zia chung hi chip chik tak ah gen gua I hi pua, lawtinna GASUA mipi awmtak ding a malsawmna kembipte chanchin neu khat gen guai tiu.
Zia a chung ah thupi panite hi chi thum in vak khen chuam guai tiu. 1. Lekha simte- A mau hi a bik deu ah mimal thiamna ding, inkuan ki vakna ding leh khangthak te thiam zilna ding khawvel khantona lam ala pui ding ah thiamna zilte chu ahiu. A khenkhat te hi a thiam zilnau hi tui zolo leh zulzauna, thatdana tuttu ahina le ahi. Chun, a khenkhatte chu insung ki vakna ding ah go khawlkhawpna, gam leh nam siamna mang theile a um ah kipakpi a um kit ah ahinla khenkhat a thiamnau sa leh gal bawlna, mipi tampi thina ding bawl le a um kit, thiamna chiat chiat le Pathian lunglam leh setan bawl le a um gel gel a zia chu thunei tupa khut in kawi phawt mai hitiu.
Chun, a pani thiamzil ahiloleh kitaitetna chu puitu hi nawp ziak ah kitaitena dik leh diklo a um kit hi. Leader/representative hina ding in a mipi tawh ki them tua ah tinnawp/ kai nawp ziak ah sum leh pai mang ah tin guat bep hi meithal chawite thagum tin sak tei tei or National party mang majority hi nawp jiak a thagum a kai tei tei I gen khial lou chun Khawvel pumpi chiadan in a lang thim ta ,Zia haw hi hi I Bible in in hun nunung hung tung dite a ti tawh a ki samkai ta diam ti chang ahi hi.ahinla sakhawl keng bawn kikim lo ti dan ngai zam phawt di ahi mai diam ti hun a um hi
Nampui tu khenkhatte gam leh nam khanto theina khawvel zil ah a ngaitua lai in a khenkha te’n lal nawpna ziak ah sa leh gal in a hun tuk chak ham a gua a mihiam hi chu buai um tak I hiu. Kum sang tam tak dam di bawn ki hilo I dam sung hun chawmcha sung in khawvel pumpi hi ki cham in, lim khawm diak leu hin bawn zing a pakcha a pak, a nitak ah vuai tha mai gual hi dia maw ka ti chang in damlai in ja sit ma ma hi. Ahinla, kum tam tak thilha lo sep sang in damsung chamcha sung a hin kipak na lah limna di bep sem leu hin damman um en di ahi zia chu Pathian dawi dam him le ahi
Khaile unaute, kua hitaleh mi palai ding a ki telte hin amau ma di bep sem lou in gam leh nam na hun sem uh henla dam sung hun chawmcha bek hi Pathian in khawvel leh a a sunga khawsate in di dan tak in khawsa leh Khawvel hawl hawidan leh siam tu lopi dan mu nawp chu a um e ka ti sek vei. Ahinla, thil bang kim hi ei dawi dan a siam thei ahi puan, Lalpa vaivawmna chu gin um tak in ngak ham ham mai hitiu.
