KUMLUI LEH KUMTHAK IN DANGLAMNA EI PIA DIAM
– KL Muana Khaute
KUMLUI chu a hung beita’n kumthak ah chu zillaite, lo nasemte panthak a lak hun uh chu ahi. Bussineste, politiciante organization te’n policy thak KUMLUI sang ah hawi zaw chu ahun guanggal chiat diu chu ginchak a um a, zia ngaidan thak leh hawi zaw chu I gam leh mipi kinepna leh ngak la chu ahi.
I Bible in thilluite chu a beita’n thilthak in a luazo tai ati chun khawvel sep leh bawl neite’n KUMLUI sang in panlak dan changkang zaw ahun lak ua masawnna dawi um tak ahun sep dawu kineppi a um ui. KUMLUI sang ah khantona leh masawnna hungtung ding ah kinepna tawh mailam hinkhua beiseina tawh mipite’n a kingakla ma ma hi.
Khawvel thil ah le khantona hung um intin kipakna leh malzawlna hungtung chu dawng sawn in limna leh kipakna’n a ki dimsek hi. khawvel thak leh nundan thak beplo a inchen lochen ah le khangto diu I hiziak un Pathian I pakcha masa ahi. Mihing thak I hung hitak ziak un ginna lam inle thianthona leh Pathian LUNGLAM hawl ah Pathian dawigual sem ding I hiitak ziak un kipak a um hi. I mihiampite tawh le kituak leh lungthim munkhat ah lengkhawm ding I hitak ziak un Lalpa chu pak in um ta hen.
Gamlui chu nusia di I hitau a, gamthak achun thaichite hunpha’n ga tam tak le luakkhawm tai tin uh I sep ga teu ziak in kipak hitiu in kipakna luaithe khawm in siamtu le chawihawi tai tiu. Mihiam hi I sepdaw thai, sum leh paite tawh lim um ta tiu tichu eima khawsa-ul ngei ah I sepdawte ziak in I kipakna le alian a, taksa leh thagau le a kipak diak sek ahi.
Lalpa’n kumthak ah I guanggalna teu leh I lunggelteu hun malzawl intin, mipite le Pathian ma-ang ah maicham leh kut siam in limtak in I sep gateu tawh cheng in lim leh kipak in chawihawi lopi tak rawh limtawp umlo siam tu tawh an ta tiu.zia ni hun leh phat chu ngak inline leh kinem tak in ngak itiu Lalpan I lungtup uh hun mualsua pi nge di ahi.