*KUA KOCHUAM*
…GL Muana
Simtute Kochuam neitu Jesu Khrista min in Kumthak Chibai.
Unau, Jesu kiti hi bangti gual in la ngaitua khasek em? Mi atam zawh leh mivang tang in Lalpa Jesu Krista tidan a ah ko sek man ua nang le la ko ahem? Nang le Lalpa hi ding ah la geel ve tei ahi em?
Pathian chapa changkhat neisun lei a mihiam a hung piang ah mi zosia gitlona pat tat daw nading ah hung thi tidan ah la hiat ahem le?
Thiampu mak tak leh thil lamdang tamtak bawl thei khat in la geel sek em?
Lekhabu khat Bible kiti ah a tuanthu um leh kigen dan in la ngaitua khasek em le?
Holy Bible ah athu kigen *Jesu hi nang a din bang ahem?*
Jesu tawh la ki zawpnau (relationship) banggual ahem?
Biakna inn dak git hun a kikkhawm sek, devotion leh insung kikhawpna nei zel sek leh khat vei vei Bible sim sek Kristian kiti khat chu lahi nai maw..? Khawvel leh a sung a umte et in chu Kristian khat chu hinan la maw….?
Pathian Gingtute chu Krista-gual @ Christlike ahiu hi. Khawvel thilte ading a kochuam ahi puai!
*Pathian Lalgam ading ah kochuam ahiu hi. Setan lalgam ading ah sem zing kawm ah khawvel ah biakna leh kochuam lam ah ki mangcha ma ma khat lahi kha diam unau ki ngaitua pha in aw…*
Khawvel pilna,chitna, thiamna leh khawvel dante tawh vang Jesu kha a kimil sam pua e maw… Judate@ Israel te kinepna tawh vang Jesu kha aki tuak sampua vei maw?
Taksa khawvel thil in a *en* ua tichun Jesu kha a nawl ua, Thing kros chung ah a khailum mai tau hilo maw!
*Chunglam thil in vang Jesu chu hukdampa, MESSIAH ahi vei* HALLELUJAH Amen.
Mi Khrista ah Piangthakna dik tak neite chu KRISTIAN,Jesu Nungzuite ahiu hi. Vanlam thil (divine) in Jesu a ngaitua tau in, zia khawvel hile lei taksa thil ah a en talo uh ahi. Nisin a khawsak nau chu Pathian tawh kituak takin(a peaceful relationship with God)a um sek uh ahi. Pathian zal in Zotu hinna a nei tau hi. Pathian zal in zia khawvel thilte melma setan thuneina hi a zo to zel zel tau un ahi. Zotu hinkhua lamang kha zing na em le? Ahiloleh Christian khat setan suak leh sal a tang zing nalai ihi kha em?
*☦Kros thu chu mangthaite â dingin ngolhuai ahi’n; eihaw hukdam hi zingte â dingin vang Pathian thilhitheina ahi zawi. Khawvel thil niam leh mu tawm umte, thil umsate chu bangmalo a chansak theina dingin, thil umlo te natiang Pathian in a têl a;*
1 KORINTH 1:18, 28
*☦Ziaziakchun, Pathian Lekhathu ah chun, “Ngai un, Zion ah a kil ah suang poimaw pen, têldaw leh man tam ka lem tai; ama gingtute chu mualpho pua’n au,” ti a um hi. Ziaziakchun, nanghaw a gingte â ding ah chun man tam ahi, a ginglote â dingin vang: “Insate suang doilo chu, a kil ah suang phachuam pen a hung hi tai,” ti ahi ngal a*
1 PETER 2:6-7
*Ki ngaitua hitiu aw: Khawvel thuneipa themtu setan kochuam a um ihi em ahiloleh Zia khawvel dan gual a um talo ding a Krista ading a Kochuam ihiu em?*
JESU A IHILO CHUN SETAN A IHI MAI HI. Pathian Kochuam dik tak ihilo chun setan a tina hi.
*Kuale keima lam ah pang lo chu ei do ahi’n; kuale ei lakkhawmpi lo chu ei thejak piak ahi*
MATTHAI 12:30
Setan solchak setan suak lahi kiti leng puana paukam moi salo tam ding ihiu in. Hinla adik takin chu vak ngaitua det det leng chu PATHIAN a lote chu setan a tina ahi mai vei! JESU a ihi na em? Jesu Kochuam lahi na em?
Khawvel mite kochuam kimin vawna min khum ah um kha mai mai ihi em?
*Ka belamte chun ka aw a hiau hi. Ke’n le amau chu ka hia’n, amau chun ei zui sek ui. Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au*
JOHAN 10:27-28
*KUA KOCHUAM LAHI EM UNAU?*
A hethiam ding leh Thagau lam mit vakna Lalpa Pathian in simtute ei pia chiat tahen aw….AMEN
*☦KRISTA LALPE’N SEPAI☦*