KHAWVEL KIDANG KRISTA KIDANG LO:
-KL Muana Khaute
Tulai ka lung-gil ah vaibang thamjing chu khawvel a thil umte ki dang dan leh kochuam ki dang hin, ka lungthim ei khawi ma
ma hih a hi, a diak in khawvel thilsiamte dang dang sang in kochuam ki puihuai dan a diak in ki vaihawm dan hi a hi.Pastor, upa, Evangilists leh a hunbi nei a puitu te hin kochuam ah, a belam teu etkawl leh ngai khawk lo dan teu hin, hun nunung lam a thil tung di a gen lawk te hi a hung guitungto jel ah. A lalgam nai ta ma ma in ka mui.
Kochuam chia dan leh ki pui huai dan te hi et in thagau a kilainat na sang in thawlawm leh Biak In lopi na leh chei-mawi na lam uar jaw ta un kamui kati nuam ah, a hinla jia lam thu hi chian tak in gen le hinla,a ngaida um thei a hi ban a re- bound( a thu kile) kit le kit in ginna hat lo a ki hi jiak in kei ma ginna hatlo ei suhba thei a hi jiak in gen tam da phawt ingka, a bang chu hita leh kochuam puitute hi gitlo na tuifawn sang tak ki nawk kal ah,la belam teu ei khawtua ah thagau lam a la belam chin teu hi lei ngainat diak ding uh ka dawn a hi. A chuti lo chun buai na henkawl a tang di ka tam ta luau a hi.
Hun chia tasa te inung et kit a chun, kochuam leh gingtu ten Pathian a ngainat ua Pathian thupha a ki tangko pi dan teu lehnek lo chak lo bep hillo in cha leh nau enkawl man lo khawp ah, beigual, crusade, conference a mat hun lai ua khan, a gim a chawl dan teu leh kochuam mipi thagau ah a etkawl dan teu i ngaitua thak a hi chun, lunglen a um ban in,a ngai a um vawng vawng hi, jia hun kha hung tung kit thei leh ti chang a tam ma ma hi.
Hun chia sate ngaitua jiak a lungleng a ki ngai thei ma ma, a hivang in ‘ Ka senlai ngai si e sen lehkit thei leng’ ti gual a lunglen theima i hi, himaleh, taksa a lunglen gual in thagau lam a lunglen hin Lalpa ngainat na a hi, chun vangam ngainatna asu-uang diak hi, tu hi kochuam pui ten pan a hun la thak jel-ui ti hih mu a hi jiak in lungngai a nem kit sek hi ‘.
Khawvel khawsa a ki hi jiak in khawvel puitute leh thagau lam a puite hi mipi ki gakna ah hinna a hi’n, hisel leh damlo hi puitute khut in a ki ngah ma ma hi, etsakna’n Wales gam a pat NE India a Christianity hung pawlut ten a Biak in teu hi Hall vel ah, a mat ban ua a hun zuak jiang tau, USA a sex ki bang te kichenna te phalna a piak teu bang hi ngaitua kham tak a hi, Chun UK Prime Minister oath lak na ah Atheist te gual a hung bat na te etc muh a hi chun ginna jawngkhal te a ba-jiang sek a hi, a bang chu hileh mihiam hi hiatna ki bang lo ihi jiak in, puituten minautang te thudik hiat sak uh hi, a kul leh pawi maw a hi.
Awle tuni thuchûn, khawvel ki dang ti a hin krista ki danglam diaklo a hina a hi’n, ei kum za val bep krista nungjui pan ihiu ah, pilna thiam na leh Pathian hing mupan te ihiu ah, lungke lo in puitute te thuhing a gen teu jui jing pum in ei mah leh eima ki-thiamput thei (Pathian tawh ki timat) thei ihi tak jiak in, eima ah um Pathian tawh ei siamtu tawh kiti mat thei jing ding in Lalpan hatna leh sekdo na ei peta hen Amen!
