KHAWVEL HI SIAMTU A UM EM :
-KL Muana Vaiphei
Mitam tak ten Pathian a um puai,khawvel a thilhing leh um te hi louchul a bang ma umlou a kumkit ah thing chichuam hung um sek gual mai in angaitua ui ahinla, ama a bukimna aum lo ziak in siamtu khat chu um hi dinga ngaitua pawl le a um hi.
Mihiam te leh thil hing te hi damlo thei leh thi thei ahi ki he ngal ua,chuti achun,mihiam sang ah thil hi thei zaw um ngei ding in ging chak na anei ngal ua amabo,SAKMEL mutthei lo leh Hopi ziang thei lo ahi ziak un lungkhamnan a dim uh ahi.Bukimlo ahi lam uh aki ki hiat ngal un ahin chu a muthei puau a,taksan leh taksanlo kikal in a lianvai ui.
Eima iki hechian chun Pathian hechian tai tiu un, khawvel mihiam hinkhua ki hechian lou a damlai hinkhua khualzin gual mai a leng ten Pathian ahe chian puau a,a leihinkhua kul leh pawimawl khendan thei loua hinkhua bawllaw leh thavai tak a mang a,vangam nawp di dan bep suangtua hinkhua mang te chu a gin thawn mai ahiu.Khawvel dam sung a hin kipakna him nei puan tiu in vangam ngei a chun le chanvo neilo di ahiu.
Pathian hetchian na ding a chun eima leh eima iki hiat chian masak ngai di ahi. Itaksa,ingaitua,ihaksatna,ilungtup leh itawpna ding mihiam pianphung a tung, ituaklai leh a hungtung zel di mulawk na nei lou chun Pathian a hechian puai,zia gual nachun amama kihe chianlo chun mile ahetchiat lou gual in Pathian le a he lo ahi.
Zia ziak tak a chun thing leh suang,dawi leh kau thitha. ahi leh mihing sang a thil hithei zaw pakhat um ahi ti chu a heu himahle hechianlo leh muchian thei lou ihi ziak un taksan leh leh ginlelnan I buai ua,siamtu dik tak I hedawk zou puau a,buai na men lou in I buai uh ahi
I Bible a thilsiam thu leh a lungthup ihiu a ahin a siamtu pa hin na dik tak I mu zo puau.Pathian hi mihing pilna mu leh hawl/Hiat di gual ahi puan, kipumpiak na leh taksan nale le Ginna a hiat leh mu thei ahi.Ibible in bang gen henla anasep tamtak mu mahleu hing leh itaksan lou a,ama eima a um lo chun hiat dawh thei ahi puai.
Khaile,eima leh ei ki hetchian a Pathian asiamsa ihi dan ki hia,siamtu dawidan a kalchawi te chu lei leh vangam chu a lua ngei ding uh ahi.